നടന് ആമിര്ഖാന്റെ മകള് ഇറ ഖാന് വിവാഹിതയാവുന്നു. നാടകകലാകാരിയായ ഇറയ്ക്ക് ഫിറ്റ്നസ് ട്രെയിനറായ നൂപുര് ഷിക്കാരെയാണ് വരന്. രണ്ടുവര്ഷത്തിലേറെയായി ഇരുവരും പ്രണയത്തിലായിരുന്നു. വിവാഹനിശ്ചയം കഴിഞ്ഞദിവസം നടന്നു.
ഇന്സ്റ്റഗ്രാമില് ഇറ പങ്കുവെച്ച വിഡിയോയിലൂടെയാണ് വിവാഹ നിശ്ചയത്തിന്റെ വിവരം പുറംലോകം അറിഞ്ഞത്. നിര്ത്തിയിട്ട സൈക്കിളില് ചാരി നില്ക്കുന്ന ഇറയുടെ സമീപം സൈക്ളിങ് മത്സരത്തിനുള്ള വേഷം ധരിച്ചെത്തുന്ന നൂപുര് മുട്ടുകുത്തി വിവാഹമോതിരമെടുത്ത് സമ്മാനിക്കുന്നതിന്റെ വീഡിയോയാണ് ഇന്സ്റ്റാഗ്രാമിലൂടെ ഇറ പുറത്തുവിട്ടത്.
ആമിര് ഖാന്റെ ആദ്യ ഭാര്യ റീന ദത്തയാണ് ഇറയുടെ അമ്മ. 2002 ല് ഇരുവരും വേര്പിരിഞ്ഞു. ഈ ബന്ധത്തില് ജുനൈദ് എന്ന മകനും അദ്ദേഹത്തിനുണ്ട്.