ബ്ലെസ്സി- പൃഥ്വിരാജ് കൂട്ടുകെട്ടിലൊരുങ്ങിയ ‘ആടുജീവിതം’ എന്ന ചിത്രത്തിലെ ഹക്കീം എന്ന കഥാപാത്രമായി വേഷമിട്ട ഗോകുൽ കെ. ആർ നായകനായെത്തുന്ന ഏറ്റവും പുതിയ ചിത്രം ‘മ്ലേച്ഛൻ’ ഫസ്റ്റ് ലുക്ക് പോസ്റ്റർ പുറത്ത്.
പൃഥ്വിരാജ് ആണ് ഫേസ്ബുക്കിലൂടെ ചിത്രത്തിന്റെ പോസ്റ്റർ പങ്കുവെച്ചത്. ഈ വർഷം ജൂണിലാണ് സിനിമയുടെ ചിത്രീകരണം ആരംഭിക്കുന്നത്. വിനോദ് രാമൻ നായർ ആണ് ചിത്രത്തിന്റെ തിരക്കഥയും സംവിധാനവും.
ആടുജീവിതത്തിന് ശേഷമെത്തുന്ന സിനിമയായതുകൊണ്ട് തന്നെ വലിയ പ്രതീക്ഷയിലാണ് പ്രേക്ഷകർ ചിത്രത്തെ നോക്കിക്കാണുന്നത്. ആടുജീവിതത്തിലെ ഹക്കീം എന്ന കഥാപാത്രത്തിന് വേണ്ടി ഗോകുൽ ശരീരഭാരം കുറച്ചത് വലിയ രീതിയിൽ ചർച്ചയായിരുന്നു.
സ്ഫുട്നിക് സിനിമ, എബിഎക്‌സ് സ്റ്റുഡിയോസ് എന്നിവയുടെ ബാനറിലാണ് ചിത്രമൊരുങ്ങുന്നത്. ക്രിയേറ്റീവ് പ്രൊഡ്യൂസർ സ്ലീബ വർഗീസ്, വരികൾ സന്തോഷ് വർമ്മ, ശ്രീജിത്ത് കാഞ്ഞിരമുക്ക്. ചീഫ് അസോസിയേറ്റ് ഡയറക്ടർ മഹേഷ് മനോഹർ, കോസ്റ്റ്യൂം മേക്കപ്പ് ഡിസൈൻ നരസിംഹ സ്വാമി, മാർക്കറ്റിംഗ് ഹെഡ് സുശീൽ തോമസ്, അസോസിയേറ്റ് ഡയറക്ടർ രമേഷ് അമ്മനാഥ്, ശ്രീജിത്ത് ചെട്ടിപ്പാടി, പബ്ലിസിറ്റി ഡിസൈനർ മാ മി ജോ.