അപ്പാനി ശരത് നായകനായെത്തുന്ന ചിത്രം ‘ആദിവാസി’യുടെ പുതിയ പോസ്റ്റര് പുറത്ത്. ‘സംഭവിക്കാതിരിക്കട്ടെ ഒരു മനുഷ്യനും’ എന്ന അടിക്കുറിപ്പോടെയാണ് അണിയറപ്രവര്ത്തകര് ഈ പോസ്റ്റര് പങ്കുവച്ചിരിക്കുന്നത്. ‘ലോകത്തിലെ ഏറ്റവും വെറുക്കപ്പെട്ട സെല്ഫി’ എന്ന അടിക്കുറിപ്പോടെ മുമ്പ് പങ്കുവച്ച പോസ്റ്റര് വലിയ ശ്രദ്ധ നേടിയിരുന്നു. ആള്ക്കൂട്ട മര്ദ്ദനത്താല് കൊല്ലപ്പെട്ട മധുവിന്റെ കഥ പറയുന്ന ചിത്രമാണ് ‘ആദിവാസി’.
ഏരിസിന്റെ ബാനറില് കവിയും ഹോളിവുഡ് സംവിധായകനുമായ ഡോ. സോഹന് റോയ് ആണ് ചിത്രം നിര്മ്മിക്കുന്നത്. ശരത് അപ്പാനി പ്രധാന വേഷത്തില് അഭിനയിക്കുന്ന സിനിമയുടെ കഥയെഴുതി സംവിധാനം ചെയ്യുന്നഥ് വിജീഷ് മണിയാണ്. അപ്പാനി ശരത്തിനോടൊപ്പം ചന്ദ്രന് മാരി, വിയാന്, മുരുകേഷ് ഭുതുവഴി, മുത്തുമണി, രാജേഷ് ബി, പ്രകാശ് വാടിക്കല്, റോജി പി കുര്യന്, വടികയമ്മ, ശ്രീകുട്ടി, അമൃത,മാസ്റ്റര് മണികണ്ഠന്, ബേബി ദേവിക തുടങ്ങിയവരും ചിത്രത്തിലഭിനയിക്കുന്നു. ശരത് അപ്പാനിയോടൊപ്പം ആദിവാസി കലാകാരന്മാരും ചിത്രത്തില് അണിനിരക്കുന്നുണ്ട്.
ഛായാഗ്രഹണം പി മുരുഗേശ്വരന്, എഡിറ്റിംഗ് ബി ലെനിന്, സംഭാഷണം എം തങ്കരാജ്, ഗാനരചന ചന്ദ്രന് മാരി, ക്രിയേറ്റീവ് കോണ്ട്രിബ്യൂട്ടര് രാജേഷ് ബി, പ്രോജക്റ്റ് കോഡിനേറ്റര് ബാദുഷ, ലൈന് പ്രൊഡ്യൂസര് വിഹാന്, ചീഫ് അസോസിയേറ്റ് ഡയറക്ടര് മാരുതി ക്രിഷ്, കലാസംവിധാനം കൈലാഷ്, മേക്കപ്പ് ശ്രീജിത്ത് ഗുരുവായൂര്, വസ്ത്രാലങ്കാരം ബുസി ബേബി ജോണ്.