69ാമത് ദേശീയ ചലച്ചിത്ര പുരസ്കാരത്തില് കടുത്ത മത്സരം. മികച്ച നടന്, നടി വിഭാഗത്തിലാണ് മത്സരം കൊഴുക്കുന്നത്. ‘ഗംഗുഭായ് കത്യവാടി’ എന്ന ചിത്രത്തിലെ പ്രകടനത്തിലൂടെ ആലിയ ഭട്ടും, ‘തലൈവി’ ചിത്രത്തിലൂടെ കങ്കണ റണൗട്ടും ആണ് മികച്ച നടിമാര്ക്കായി മത്സരിക്കുന്നത്.
മികച്ച നടനുള്ള സാധ്യത പട്ടികയില് ആര് മാധവന് (റോക്കട്രി), അനുപം ഖേര് (കശ്മീര് ഫയല്സ്) എന്നിവരും ഇടംപിടിച്ചിട്ടുണ്ട്. ഡല്ഹിയില് ഇന്ന് വൈകീട്ട് അഞ്ച് മണിയോടെ പുരസ്കാരങ്ങള് പ്രഖ്യാപിക്കും.
എസ്.എസ് രാജമൗലിയുടെ അന്താരാഷ്ട്ര തലത്തില് ശ്രദ്ധിക്കപ്പെട്ട ‘ആര്ആര്ആര്’ ചിത്രത്തിലെ സംഗീതത്തിന് കീരവാണിക്ക് മികച്ച സംഗീത സംവിധാനത്തിനുള്ള അവാര്ഡിന് സാധ്യതയുണ്ട്. മലയാളത്തില് നിന്നും മിന്നല് മുരളിക്കും ചില അവാര്ഡുകള്ക്ക് സാധ്യതയുണ്ട്.
മലയാളത്തില് നിന്നും ‘നായാട്ട്’, ‘മിന്നല് മുരളി’, ‘മേപ്പടിയാന്’ തുടങ്ങിയ ചിത്രങ്ങള് വിവിധ വിഭാഗങ്ങളില് അവാര്ഡിന് പരിഗണനയിലുണ്ട് എന്ന റിപ്പോര്ട്ടുകള് നേരത്തെ എത്തിയിരുന്നു. മികച്ച നടനുള്ള പുരസ്കാരത്തിനായി ജോജു ജോര്ജും പട്ടികയലുണ്ടെന്ന വിവരങ്ങളും എത്തിയിരുന്നു.