സുരേഷ് ഗോപി, പൂനം ബജ്വ എന്നിവരെ കേന്ദ്ര കഥാപാത്രങ്ങളാക്കി ജിബു ജേക്കബ് ഒരുക്കുന്ന ചിത്രം ‘മേ ഹും മൂസ’യിലെ വീഡിയോ ഗാനം ശ്രദ്ധേയമാകുന്നു. റഫീക്ക് അഹമ്മദ് എഴുതിയ വരികൾക്ക് ശ്രീനാഥ് ശിവശങ്കരനാണ് ഈണം പകർന്നിരിക്കുന്നത്. ഗാനത്തിന് മികച്ച പ്രേക്ഷക സ്വീകാര്യതയാണ് ലഭിച്ചിരിക്കുന്നത്.
ഇന്ത്യൻ ആർമിയുടെ പശ്ചാത്തലത്തിൽ ഒരുങ്ങുന്ന പാൻ ഇന്ത്യൻ സിനിമയായ ‘മേ ഹൂം മുസ’ സെപ്റ്റംബർ 30 നാണ് റിലീസ് ചെയ്യുന്നത്. മലപ്പുറത്തുകാരൻ മൂസയുടെ ജീവിത കഥ പറയുന്ന ചിത്രത്തിൽ സൈജു കുറുപ്പ്, സലിംകുമാർ, സുധീർ കരമന,ഹരീഷ് കണാരൻ, മേജർ രവി,
മിഥുൻ രമേഷ്,ജുബിൽ രാജൻ പി ദേവ്,കലാഭവൻ റഹ്മാൻ, ശശാങ്കൻ മയ്യനാട്, മുഹമ്മദ് ഷരീഖ്, സ്രിന്ദ,വീണ നായർ,അശ്വനി, സാവിത്രി,ജിജിന, തുടങ്ങിയവരാണ് മറ്റ് പ്രധാന കഥാപാത്രങ്ങളായി എത്തിയിരിക്കുന്നത്.
ഇന്ത്യയുടെ അതിർത്തി പ്രദേശങ്ങളായ വാഗാ ബോർഡർ, കാർഗിൽ, പുഞ്ച്, ഗുൽമാർഗ്, എന്നിവിടങ്ങളിലും ഡൽഹി, ജയ്പ്പൂർ, പൊന്നാനി എന്നിവിടങ്ങളിലുമായിട്ടാണ് ചിത്രം ചിത്രീകരിച്ചത്. രൂപേഷ് റെയ്നിൻറേതാണ് തിരക്കഥ. വിഷ്ണുനാരായണന് ആണ് ചിത്രത്തിന്റെ ഛായാഗ്രാഹകന്.