ശങ്കര് രാമകൃഷ്ണന് ഒരുക്കിയ പതിനെട്ടാംപടി ഗംഭീര പ്രതികരണങ്ങല് നേടി പ്രദര്ശനം തുടരുകയാണ്. മമ്മൂട്ടി, പൃഥ്വിരാജ്, ആര്യ, ഉണ്ണി മുകുന്ദന്, അഹാന കൃഷ്ണ എന്നിവര് അതിഥി താരങ്ങളായി അണിനിരന്ന ചിത്രത്തെ പ്രശംസിച്ച് നിരവധി പേരാണ് രംഗത്ത് വന്നത്. ഇപ്പോഴിതാ ചിത്രത്തിലെ ഒരു വീഡിയോ ഗാനം പുറത്തു വിട്ടിരിക്കുകയാണ് അണിയറ പ്രവര്ത്തകര്.
“കാറ്റലകള്…” എന്നു തുടങ്ങുന്ന വീഡിയോ ഗാനമാണ് അണിയറ പ്രവര്ത്തകര് പുറത്തു വിട്ടിരിക്കുന്നത്. സാനിയ ഇയ്യപ്പനും മറ്റും പ്രത്യക്ഷപ്പെടുന്ന ഗാനരംഗത്തിന് മികച്ച സ്വീകാര്യതയാണ് ലഭിച്ചു കൊണ്ടിരിക്കുന്നത്. വിനായക് ശശികുമാറിന്റെ വരികള്ക്ക് എ.എച്ച് കാഷിഫാണ് ഈണം പകര്ന്നിരിക്കുന്നത്. ജോണിതാ ഗാന്ധിയാണ് ഗാനം ആലപിച്ചിരിക്കുന്നത്.
ആക്ഷന് പ്രാധാന്യം നല്കി ഒരുക്കുന്ന ചിത്രത്തില് ഏറെ പ്രാധാന്യമുള്ള ഗസ്റ്റ് റോളില് എബ്രഹാം പാലയ്ക്കല് എന്ന കഥാപാത്രമായാണ് മമ്മൂട്ടി എത്തുന്നത്. ചിത്രത്തിലെ താരത്തിന്റെ ലുക്ക് വൈറലായിരുന്നു. മമ്മൂട്ടിയ്ക്ക് പുറമേ പൃഥ്വിരാജ്, ഉണ്ണി മുകുന്ദന്, ആര്യ എന്നിവരും ചിത്രത്തിലുണ്ട്. 60- ലധികം പുതുമുഖങ്ങളും പതിനെട്ടാം പടിയില് അണിനിരക്കുന്നുണ്ട്. ശങ്കര് രാമകൃഷ്ണനാണ് ചിത്രത്തിന് തിരക്കഥയും ഒരുക്കിയിരിക്കുന്നത്.