കൂടെ അഭിനയിച്ചതില് ഏറ്റവും മോശം നായികയുടെ പേര് വെളിപ്പെടുത്തി തമിഴിലെ ഭാഗ്യനടന് അഥര്വ. തന്റെ കൂടെ അഭിനയിച്ചതില് വെച്ചും ഏറ്റവും മോശം നടി അമല പോളാണെന്ന് അഥര്വ പറയുന്നു. ‘മധകം’ എന്ന പുതിയ വെബ് സീരീസിന്റെ പ്രമോഷനുമായി ബന്ധപ്പെട്ട അഭിമുഖത്തില് സംസാരിക്കവെയാണ് അഥര്വ ഇക്കാര്യം വെളിപ്പെടുത്തിയത്.
എന്റെ രണ്ടാമത്തെ സിനിമയിലാണ് (മുപ്പോഴുതും ഉന് കര്പനൈകള്) ഞങ്ങള് ഒരുമിച്ച് അഭിനയിച്ചത്. ആദ്യത്തെ ഒരു പത്തു ദിവസം എനിക്ക് വളരെ മോശം അനുഭവമാണ് തോന്നിയത്. പിന്നീട് ഓകെയായി. ഇത് ഞാന് അമല പോളിനോട് നേരിട്ട് പറഞ്ഞിട്ടുണ്ട് എന്നും അഥര്വ വ്യക്തമാക്കി.
അഥര്വ അഭിനയിക്കുന്ന ഭൂരിഭാഗം സിനിമകളും ഹിറ്റാണ്. അതുപോലെ താരത്തിന്റെ കൂടെ അഭിനയിച്ച നായികമാരും വളരെ പെട്ടന്ന് ഹിറ്റാകാറുണ്ട്. അമല പോള്, സമാന്ത തുടങ്ങിയവരൊക്കെ അധര്വ്വയ്ക്കൊപ്പം അഭിനയിച്ചതിന് ശേഷമാണ് സൂപ്പര് നായികമാരായി മാറിയതെന്നാണ് സംസാരം.
അതേസമയം, സിനിമയില് നിന്നും താല്ക്കാലികമായി ഇടവേള എടുത്ത അമല പോള് താനൊരു ആത്മീയ യാത്രയിലാണെന്ന് ഈയിടെ വെളിപ്പെടുത്തിയിരുന്നു. ബാലി പോലുള്ള സ്ഥലങ്ങളില് യാത്ര ചെയ്യുന്നതിന്റെ ചിത്രങ്ങളും വീഡിയോയും സോഷ്യല് മീഡിയയിലൂടെ താരം പങ്കുവച്ചിരുന്നു.
പൃഥ്വിരാജിനെ നായകനാക്കി ബ്ലെസി സംവിധാനം ചെയ്യുന്ന ആടുജീവിതമാണ് അമലയുടേതായി ഉടന് റിലീസിനൊരുങ്ങുന്ന ചിത്രം. മമ്മൂട്ടിയുടെ ക്രിസ്റ്റഫര്, അജയ് ദേവ്ഗണ്ണിന്റെ ഭോല എന്നീ സിനിമകളിലാണ് അമല അവസാനം പ്രത്യക്ഷപ്പെട്ടത്.