ബോളിവുഡ് താരങ്ങൾ പല കാരണങ്ങളാൽ വിവാദങ്ങളിൽ പെടുന്നത് നമ്മൾ പലപ്പോഴും കണ്ടിട്ടുണ്ട്. ചിലർ അധോലോകവുമായി ബന്ധമുണ്ടെന്നത് മുതൽ ക്രിമിനൽ ലോകവുമായി അടുത്ത ബന്ധമുണ്ടെന്ന കഥകൾ വരെ ഗോസിപ്പുകൾ ഉണ്ടാകാറുണ്ട്. ബോളിവുഡിൽ വലിയ നേട്ടങ്ങൾ കൈവരിച്ച നടിയാണ് മനീഷ കൊയ്രാള. മനീഷയെ ചുറ്റിപ്പറ്റിയുള്ള ഒരു വിവാദമാണ് ആരാധകർക്കിടയിൽ വീണ്ടും ചർച്ചയാകുന്നത്.
ഒരുകാലത്ത് ബി ടൗണിൽ വലിയ ചർച്ചയായി മാറിയ നിർമ്മാതാവ് മുകേഷ് ദുഗ്ഗലിന്റെയും മനീഷ കൊയ്രാളയുടെ മുൻ സെക്രട്ടറി അജിത് ദീവാനിയുടെയും കൊലപാതകവുമായി ബന്ധപ്പെട്ടായിരുന്നു ഇത്. അധോലോക നേതാവ് അബു സലീമിന്റെ ആളുകളാണ് ഇരുവരെയും കൊലപ്പെടുത്തിയത്. എന്നാൽ മനീഷയുടെ ആവശ്യപ്രകാരമാണ് ഇവരെ വകവരുത്തിയതെന്നും ഇതിനായി പണം നൽകിയിട്ടുണ്ട് എന്നുമായിരുന്നു അബു സലീമിന്റെ ആരോപണം.
‘ചോട്ടാ രാജൻ എന്ന ഗുണ്ടാത്തലവന്റെ സഹായത്തോടെയാണ് മനീഷ മുഗേഷ് ദഗലിനെ വകവരുത്തിയത്. ദാവൂദ് ഇബ്രാഹിമിന്റെ സഹോദരനായ അനീസ് ഇബ്രാഹിം മനീഷയ്ക്ക് വേണ്ടി അജിത്ത് ദീവാനിയെ വകവരുത്തിയതെന്നും അബു സലീം പറഞ്ഞു. 1997 ൽ മുകേഷ് ദുഗ്ഗലും 2000 ൽ അജിത്ത് ദീവാനിയും കൊല ചെയ്യപ്പെട്ടിരുന്നു.
എന്നാൽ അബു സലീമിന്റെ ഗുരുതര ആരോപണങ്ങൾ തെറ്റാണെന്ന് പൊലീസ് വ്യക്തമാക്കി. ഇതിന് ശേഷമാണ് മനീഷ് കൊയ്രാളയ്ക്ക് വിവാദത്തിൽ നിന്ന് ഒഴിവാക്കാൻ സാധിച്ചതും. ബോളിവുഡിനെയും അധോലോകത്തെയും ബന്ധിപ്പിച്ച ഇത്തരത്തിലുള്ള നിരവധി സംഭവ വികാസങ്ങൾ നേരത്തെയും ഉണ്ടായിട്ടുണ്ട്.