സിജു വില്സനെ നായകനാക്കി വിനയന് സംവിധാനം ചെയ്യുന്ന ബിഗ് ബജറ്റ് ചിത്രം പത്തൊമ്പതാം നൂറ്റാണ്ട് റിലീസിനൊരുങ്ങുന്നു. പത്തൊമ്പതാം നൂറ്റാണ്ടിലെ ഏറ്റവും വലിയ സാഹസികനും പോരാളിയുമായിരുന്ന നവോത്ഥാന നായകന് ആറാട്ടുപുഴ വേലായുധപ്പണിക്കരുടെ കഥയാണ് ചിത്രം പറയുന്നത്. ഗോകുലം മൂവീസാണ് ചിത്രത്തിന്റെ നിര്മ്മാണം.
അടുത്തിടെ റിലീസ് ചെയ്ത ചിത്രത്തിന്റെ ട്രെയ്ലര് പ്രേക്ഷകര് ഏറ്റെടുത്തിരുന്നു. ഇപ്പോളിതാ, ചിത്രം ഉടന് പ്രേക്ഷകര്ക്ക് മുന്നില് എത്തുമെന്ന് അറിയിച്ചിരിക്കുകയാണ് വിനയന്. മലയാളം, തമിഴ്, തെലുങ്ക്, കന്നട, ഹിന്ദി എന്നീ ഭാഷകളിലായി കേരളത്തിലെ ഏറ്റവും അടുത്തു വരുന്ന ഫെസ്റ്റിവല് സീസണില് ചിത്രം തിയേറ്ററില് എത്തുമെന്നാണ് വിനയന് ഫെയ്സ്ബുക്കില് കുറിച്ചത്.
സ്ത്രീ സുരക്ഷക്കു വേണ്ടിയും, ശാക്തീകരണത്തിനായും ഏറെ ശബ്ദമുയരുന്ന ഈ കാലഘട്ടത്തില് ”പത്തൊമ്പതാം നൂറ്റാണ്ട് ‘ എന്ന സിനിമയും അതിന്റെ പ്രമേയവും തീര്ച്ചയായും ചര്ച്ച ചെയ്യപ്പെടും എന്നു ഞാന് വിശ്വസിക്കുന്നു..
ആറാട്ടുപുഴ വേലായുധപ്പണിക്കര് എന്ന നവോത്ഥാന നായകന് തന്റെ സഹജീവികള്ക്കായി നടത്തിയ പോരാട്ടത്തിന്റെ കഥ
ആക്ഷന് പാക്ഡ് ആയ ഒരു മാസ്സ് എന്റര്ടെയിനറായി തന്നെയാണ് പ്രേക്ഷകര്ക്കു മുന്നില് എത്തിക്കാന് ഞങ്ങള് ശ്രമിക്കുന്നത്.. ചിത്രത്തിന്റെ ടീസര് ഇറങ്ങിയപ്പോള് ഏകകണ്ഠമായി അംഗീകരിച്ച പ്രേക്ഷകര്, സിനിമയേയും സ്വീകരിക്കും എന്നു ഞാന് പ്രത്യാശിക്കുന്നു..
പ്രമേയം കൊണ്ടും ചിത്രത്തിന്റെ വലിപ്പം കൊണ്ടും ഒരു പാന് ഇന്ത്യന് സിനിമയായി അവതരിപ്പിക്കാവുന്ന ”പത്തൊന്പതാം നുറ്റാണ്ട്” മലയാളം, തമിഴ്, തെലുങ്ക്,കന്നട, ഹിന്ദി എന്നീ ഭാഷകളിലായി കേരളത്തിലെ ഏറ്റവും അടുത്തു വരുന്ന ഫെസ്റ്റിവല് സീസണില് തന്നെ തീയറ്ററുകളില് എത്തിക്കാന് കഴിയുമെന്നു കരുതുന്നു.. മറ്റ് യാതൊരു അവകാശ വാദവുമില്ലങ്കിലും നിങ്ങളേവരുടെയും ആശിര്വാദങ്ങളുടെ അവകാശിയാകാന് ആഗ്രഹിക്കുന്നു..