മരണശേഷം തന്റെ എല്ലാ അവയവങ്ങളും ദാനം ചെയ്യുമെന്ന് തെലുങ്ക് താരം വിജയ് ദേവരകൊണ്ട. താനും അമ്മയും അവയവങ്ങള് ദാനം ചെയ്യാന് രജിസ്റ്റര് ചെയ്തിട്ടുണ്ടെന്നും വിജയ് കൂട്ടിച്ചേര്ത്തു. അവയവദാനത്തെ പ്രോത്സാഹിപ്പിക്കുന്ന പരിപാടിയില് സംസാരിക്കുകയായിരുന്നു അദ്ദേഹം.
”എന്റെ എല്ലാ അവയവങ്ങളും ദാനം ചെയ്യുമെന്ന് ഞാന് കരുതുന്നു. എനിക്ക് ശേഷം ഒരാളുടെ ഭാഗമാകാനും അവരുടെ ജീവിതത്തില് അവരെ സഹായിക്കാനും ഞാന് ആഗ്രഹിക്കുന്നു. മരണത്തോടെ എന്റെ അവയവങ്ങള് പാഴാക്കി കളയുന്നതില് ഞാന് ഒരു അര്ത്ഥവും കാണുന്നില്ല. ഞാന് ആരോഗ്യവാനായിരിക്കുകയും എന്നെത്തന്നെ ആരോഗ്യത്തോടെ നിലനിര്ത്തുകയും ചെയ്യുന്നു. ഞാനും അമ്മയും ഞങ്ങളുടെ അവയവങ്ങള് ദാനം ചെയ്യാന് രജിസ്റ്റര് ചെയ്തിട്ടുണ്ട്. വിജയ് പറയുന്നു.
സഹജീവികള്ക്ക് വേണ്ടി വൈകാരികമായി സംഭാവന ചെയ്യുന്ന നിരവധി ആളുകള് ഉണ്ടെന്നത് അവിശ്വസനീയമാണ്. അതൊരു മനോഹരമായ കാര്യമാണ്,” താരം കൂട്ടിച്ചേര്ത്തു.ലൈഗര്’ ആണ് ഒടുവില് തിയേറ്ററുകളിലെത്തിയ വിജയ് ചിത്രം. പുരി ജഗന്നാഥ് സംവിധാനം ചെയ്ത ചിത്രം ബോക്സോഫീസില് പരാജയപ്പെട്ടിരുന്നു,
ഇത് നടനും സംവിധായകനും തമ്മിലുള്ള അഭിപ്രായവ്യത്യാസങ്ങള്ക്ക് കാരണമാവുകയും ചെയ്തിരുന്നു. സംവിധായകന് ശിവ നിര്വാണയുടെ ‘കുഷി’ ആണ് വിജയ് ദേവരകൊണ്ടയുടെ പുതിയ ചിത്രം, സാമന്തയും ഇതില് അഭിനയിക്കുന്നുണ്ട്.