ഓപ്പണിംഗ് കളക്ഷനില് ‘പഠാന്’ ചിത്രത്തെ വെട്ടിച്ച് മുന്നിലെത്തിയിരിക്കുകയാണ് ‘ജവാന്’. പ്രേക്ഷകര് ജവാന് ഏറ്റെടുത്തു കഴിഞ്ഞു എന്നാണ് അറ്റ്ലീ ചിത്രത്തിന്റെ ബോക്സോഫീസ് കണക്കുകള് സൂചിപ്പിക്കുന്നത്. അതേസമയം, ഷാരൂഖും നയൻതാരയും ഒന്നിക്കുന്ന ഒരു വീഡിയോ ആണ് ഇപ്പോൾ സോഷ്യൽ മീഡിയയിൽ വൈറലാകുന്നത്. വീഡിയോ ആഘോഷമാക്കുകയാണ് നെറ്റിസെൻസ് ഇപ്പോൾ.
2013 വിജയ് അവാർഡ്സ് വേദിയിലെ ഒരു വീഡിയോ ആണ് സോഷ്യൽ മീഡിയയിൽ തരംഗമാകുന്നത്. മികച്ച നടിയ്ക്കുള്ള പുരസ്കാരം ഏറ്റുവാങ്ങിയത് നയൻതാരയായിരുന്നു. രാധിക ശരത് കുമാർ ആയിരുന്നു നയൻതാരയ്ക്ക് അവാർഡ് സമ്മാനിച്ചത്. ശേഷം വിജയ്, സൂര്യ, ശിവ കാർത്തികേയൻ എല്ലാവരുമുണ്ട്, ആരെയാണ് കൂടുതൽ ഇഷ്ടമെന്ന് രാധിക ചോദിച്ചപ്പോൾ എല്ലാവരെയും ഇഷ്ടമാണെന്ന് നയൻതാര പറഞ്ഞപ്പോൾ നയൻസിന് ഷാരൂഖ് ഖാനെയാണ് ഇഷ്ടം എന്ന് രാധിക പറയുകയായിരുന്നു.
ഇത് കേട്ട സദസിൽ ഇരുന്ന ഷാരൂഖ് തനിക്കും നയൻതാരയെ ഇഷ്ടമാണെന്ന് കാണിച്ചു. നയൻതാരയെ ബോളിവുഡിലേക്ക് കൊണ്ടുപോകും എന്ന തരത്തിലായിരുന്നു ഷാരൂഖിന്റെ ആംഗ്യങ്ങളും മുഖഭാവങ്ങളുമാണ് ഷാരുഖിന് ഉണ്ടായിരുന്നത്. താങ്കൾ നയൻസിനെ കിഡ്നാപ്പ് ചെയ്ത് ഹിന്ദിയിലേക്ക് കൊണ്ടുപോവുമോ എന്നു അവതാരക ചോദിച്ചപ്പോൾ ചിരിയോടെ അതെ എന്ന് ആംഗ്യം കാണിക്കുന്ന ഷാരൂഖിനെ വീഡിയോയിൽ കാണാം. ഈ ദൃശ്യത്തിൽ ജവാൻ സംവിധായകൻ അറ്റ്ലിയും ഉണ്ട് എന്നതാണ് മറ്റൊരു പ്രത്യേകത.
പത്ത് വർഷങ്ങൾക്ക് ശേഷം ഷാരൂഖ് ചിത്രത്തിലൂടെ നയൻതാര ബോളിവുഡ് അരങ്ങേറ്റം നടത്തിയതോടെ വീഡിയോ വൈറലാവുകയാണ്. അന്ന് ഷാരൂഖിനും നയൻസിനുമായി കയ്യടിച്ച അറ്റ്ലി സംവിധാനം ചെയ്ത ചിത്രത്തിൽ ഇരുവരും അഭിനയിച്ചതും മറ്റൊരു പ്രത്യേകത.