ഒടിയന് ശില്പ്പം അടിച്ചുമാറ്റിയ ‘മോഷ്ടാവിന്റെ’ സിസിടിവി ദൃശ്യങ്ങള് പങ്കുവെച്ച് സംവിധായകനായ വി.എ. ശ്രീകുമാര്. പാലക്കാടുള്ള ഓഫിസിനു മുന്നില് വച്ചിരുന്ന രണ്ട് ഒടിയന് ശില്പങ്ങളില് ഒന്നിനെയാണ് ഒരു ആരാധകന് നേരെ വീട്ടിലേക്ക് എടുത്തുകൊണ്ട് പോയത്. താന് കട്ടതാണെന്ന് ശ്രീകുമാറിനോട് ഫോണിലൂടെ പറയുകയും ചെയ്തു. പ്രതിമ എടുത്തുകൊണ്ടുപോകുന്ന സിസിടിവി ദൃശ്യങ്ങളടക്കം ശ്രീകുമാര് പങ്കുവച്ചിട്ടുണ്ട്.
‘എല്ലാവര്ക്കും ഒരാകാംക്ഷ, ആ രസികന് ആരാധകന് ഒടിയനും കൊണ്ടു പോകുന്ന സീന് കാണണമെന്ന്. സിസിടിവി ക്യാമറയില് ആ ദൃശ്യങ്ങള് കണ്ട് ഞങ്ങളെല്ലാം ചിരിച്ചു. ലാലേട്ടന് ഫാനിന്റെ തമാശയും, എടുത്തു കൊണ്ടു പോയ കഷ്ടപ്പാടും, കൊണ്ടുപോയി എന്നു വിളിച്ചറിയിച്ച സത്യസന്ധതയും എല്ലാവര്ക്കും ഇഷ്ടപ്പെട്ടു…ദേ പോകുന്നു ഒടിയന്.”-സിസിടിവി ദൃശ്യങ്ങളടങ്ങിയ വിഡിയോ പങ്കുവച്ച് ശ്രീകുമാര് കുറിച്ചു.
കഴിഞ്ഞ ദിവസമാണ് ശ്രീകുമാര് സമൂഹമാധ്യമത്തില് കുറിപ്പ് പങ്കുവച്ചത്. ”’പാലക്കാട് ഓഫീസിനു മുന്നില് ഒടിയന്മാര് രണ്ടുണ്ട്. ഒടിയന് സിനിമയുടെ പ്രചരണത്തിനുണ്ടാക്കിയ ലാലേട്ടന്റെ ശില്പങ്ങളില് രണ്ടെണ്ണം. ഈ ഒടിയന്മാരെ കാണാനും സെല്ഫി എടുക്കാനുമെല്ലാം പലരും വരുന്നതാണ്.
കല്യാണ വീഡിയോകളും ഇവിടെ പതിവായി ചിത്രീകരിക്കാറുണ്ട്. ഒടിയന് സന്ദര്ശകര് വര്ദ്ധിച്ചപ്പോള് ഞങ്ങള് കുറച്ച് സൗകര്യങ്ങള് വര്ദ്ധിപ്പിച്ച് ശില്പ്പം പ്രദര്ശിപ്പിച്ചാലോ എന്നൊക്കെ ആലോചിക്കുകയായിരുന്നു. അതിനിടയിലാണ് ഈ സംഭവം..കഴിഞ്ഞ ഞായര് അവധി കഴിഞ്ഞു വന്നപ്പോഴുണ്ട്. അതില് ഒരു ഒടിയനില്ല.-ശ്രീകുമാര് കുറിച്ചു.