സിനിമയില് തന്നെ വേണ്ട, അഭിനയിക്കേണ്ട എന്നൊക്കെ പലരും പറഞ്ഞിട്ടുണ്ടെങ്കിലും അതൊന്നും തന്നെ ബാധിച്ചിട്ടില്ലെന്ന് നടി ഉര്വശി. താന് അവരുടെ ആരുടെയും നിഴലിലല്ല വന്നിട്ടുള്ളതെന്നും താനൊരിക്കലും ഒരു നടന്റെ നായിക ആയിരുന്നില്ലെന്നും സംവിധായകന്റെ മാത്രം നായികയായിട്ടാണ് താന് അഭിനയിച്ചതെന്നും താരം കൂട്ടിച്ചേര്ത്തു.
ഉര്വശിയുടെ വാക്കുകള്
ഞാന് ഒരു നടന്റെയും നായികയായിരുന്നില്ല. ഞാന് സംവിധായകരുടെ ഹീറോയിന് ആയിരുന്നു. ഏതെങ്കിലും വ്യക്തി പിന്നില് നിന്നും വേണ്ടെന്ന് പറഞ്ഞാല് അത് ഞാന് ശ്രദ്ധിക്കുകയേ ചെയ്യാറില്ല. എന്റെ സഹകരണം കൊണ്ട് ആ സിനിമ വിജയിക്കണമെന്നേ ഞാന് ചിന്തിച്ചിട്ടുള്ളു. അതല്ലാതെ ആ പടം കൊണ്ട് എനിക്ക് മാത്രം ഗുണം ഉണ്ടാവണമെന്ന് ചിന്തിച്ച് ഞാനൊരു സിനിമയില് പോലും അഭിനയിച്ചിട്ടില്ല.
അങ്ങനെയുള്ള ഒരു നടിയെ ആയിരുന്നില്ല ഞാന്. ആ സിനിമയില് എന്റെ ഹീറോ ആരാണെന്ന് ഞാന് ചോദിക്കാറേയില്ല. എന്നെക്കാളും നല്ല റോള് ഈ സിനിമയില് വേറെ ആരെങ്കിലും ചെയ്യുന്നുണ്ടോന്ന് ചോദിക്കാറില്ല. ഡ്യൂയറ്റ് ഉണ്ടോന്നും ചോദിച്ചിട്ടില്ല. അങ്ങനെയുള്ള ഒന്നിനെ കുറിച്ചും ഞാന് ചോദിക്കാറില്ല.
പിന്നെ പേരില് ചില ഗോസിപ്പുകള് ഉണ്ടായിട്ടുണ്ട്. ഉര്വശിയെ വേണ്ടെന്നും ഉര്വശി അഭിനയിക്കേണ്ട, എന്നൊക്കെ ആരെങ്കിലും പറഞ്ഞിട്ടുണ്ടെങ്കില് അതൊന്നും എന്നെ ബാധിച്ചിട്ടില്ല. കാരണം അവരുടെ ആരുടെയും നിഴലില് അല്ല ഞാന് വന്നിട്ടുള്ളത്.