‘ബ്രൂസ് ലീ’ എന്ന സിനിമ ഉപേക്ഷിച്ചതായി നടന് ഉണ്ണി മുകുന്ദന്. ഒരു ആരാധകന്റെ ചോദ്യത്തോടാണ് താരം പ്രതികരിച്ചിരിക്കുന്നത്. ‘മല്ലു സിംഗ്’ എന്ന ചിത്രത്തിന് ശേഷം സംവിധായകന് വൈശാഖ് ഉണ്ണി മുകുന്ദനെ നായകനാക്കി പ്രഖ്യാപിച്ച സിനിമയാണ് ബ്രൂസ് ലീ. എന്നാല് 2022ല് പ്രഖ്യാപിച്ച ഷൂട്ടിംഗ് ഇതുവരെ നടന്നിട്ടില്ല.
ചിത്രത്തെ കുറിച്ചുള്ള ഒരു വിവരങ്ങളും പുറത്ത് വന്നിരുന്നു. ഇതിനിടെയാണ് ഇപ്പോള് സിനിമ ഉപേക്ഷിച്ചതായി ഉണ്ണി മുകുന്ദന് സ്ഥിരീകരിച്ചിരിക്കുന്നത്. ബ്രൂസ് ലീ സിനിമ ഉപേക്ഷിച്ചോ എന്ന ആരാധകന്റെ ചോദ്യത്തിന് മറുപടി ആയാണ് നടന് ഇക്കാര്യം വ്യക്തമാക്കിയത്.
”അതെ സുഹൃത്തേ. ദൗര്ഭാഗ്യവശാല് ബ്രൂസ് ലീ ഉപേക്ഷിക്കേണ്ടി വന്നു. ക്രിയേറ്റീവ് ആയ കാരണങ്ങളാലാണ് അത് വേണ്ടി വന്നത്. പക്ഷേ അതേ ടീം മറ്റൊരു പ്രോജക്റ്റിന് വേണ്ടിയുള്ള ജോലികളിലാണ്. അത് ഒരു ആക്ഷന് ചിത്രമാവാനാണ് സാധ്യത.”
”കാലം എന്താണോ ആവശ്യപ്പെടുന്നത് അതനുസരിച്ചാവും ആ ചിത്രം. അടുത്ത വര്ഷം തന്നില് നിന്നും തീര്ച്ചയായും ഒരു ആക്ഷന് ചിത്രം പ്രതീക്ഷിക്കാം” എന്നാണ് ഉണ്ണി മുകുന്ദന് പറയുന്നത്. അതേസമയം, ഗോകുലം മൂവീസിന്റെ ബാനറില് ഗോകുലം ഗോപാലനാണ് ഈ ബിഗ് ബജറ്റ് ചിത്രം നിര്മിക്കാനിരുന്നത്.