ഹിന്ദു ഐക്യവേദി നേതാവ് വത്സന് തില്ലങ്കേരിക്ക് ഒപ്പമുള്ള ചിത്രം പങ്കുവെച്ച് നടന് ഉണ്ണി മുകുന്ദന്. വല്സേട്ടന് എന്ത് നല്ല മനുഷ്യന് ആണെന്നും തന്റെ പുതിയ ചിത്രം ‘മാളികപ്പുറം’ വിജയമാക്കിയതിനും പ്രേക്ഷകര്ക്ക് ഉണ്ണി നന്ദി അറിയിച്ചു.
‘മാളികപ്പുറം’ എന്ന ചിത്രത്തിന്റെ പ്രൊമോഷന്റെ ഭാഗമായി കോഴിക്കോട്/കണ്ണൂര് തിയേറ്ററുകള് സന്ദര്ശനത്തിന് പോയ ഉണ്ണി മുകുന്ദന് ഇന്സ്റാഗ്രാമിലാണ് ചിത്രം പങ്കുവെച്ചത്. മാളികപ്പുറം’ സിനിമയുടെ കോഴിക്കോട്/കണ്ണൂര് പ്രൊമോഷണല് ട്രിപ്പിനിടെ വത്സന് തില്ലങ്കേരി ചേട്ടനെ കണ്ടുമുട്ടി, എന്ത് നല്ല മനുഷ്യന്.
കണ്ണൂരിലെയും കോഴിക്കോട്ടെയും നല്ല ഭക്ഷണമാണ്, ഞങ്ങളുടെ സിനിമ കേരളത്തിലുടനീളം വളരെയധികം ഇഷ്ടപ്പെടുകയും അംഗീകരിക്കപ്പെടുകയും ചെയ്തു എന്നറിഞ്ഞതില് വളരെ സന്തോഷം. വരും ദിവസങ്ങളില് ഇന്ത്യയില് ഒട്ടാകെയും പുറത്തും റിലീസ് ചെയ്യും. മറ്റ് ഭാഷാ പതിപ്പുകള് ഉടന് പുറത്തിറങ്ങും. വളരെ നന്ദി.’, ഉണ്ണി മുകുന്ദന് കുറിച്ചു.
ആന്റോ ജോസഫും വേണുകുന്നപ്പള്ളിയും ചേര്ന്ന് നിര്മിച്ച മാളികപ്പുറം പ്രദര്ശനം തുടരുകയാണ്. സൈജുകുറുപ്പ്, രമേഷ് പിഷാരടി, ടി ജി രവി തുടങ്ങിയവര്ക്കൊപ്പം ബാലതാരങ്ങളായ ദേവനന്ദന,ശ്രീപദ് യാന് എന്നിവരുടെ പ്രകടനവും പ്രേക്ഷകപ്രശംസനേടുന്നു. അഭിലാഷ് പിള്ളയാണ് തിരക്കഥ. ചായാഗ്രഹണം വിഷ്ണുനാരായണനും എഡിറ്റിങ് ഷമീര് മുഹമ്മദും നിര്വ്വഹിക്കുന്നു. സംഗീതം രഞ്ജിന് രാജ്.