തല്ലുമാലയിലെ തല്ല് ടോക്സിക് അല്ലെന്നാണ് ടൊവിനോ തോമസ്. ക്ലെബ് എഫമിന് നല്കിയ അഭിമുഖത്തിനിടെയാണ് നടൻ ചിത്രത്തെക്കുറിച്ച് സംസാരിച്ചത്. ചിത്രത്തിലെ തല്ല് ടോക്സിക് അല്ലെന്നും സ്റ്റൈലിസ്റ്റിക്കായിട്ട് തല്ലിനെ മേക്ക് ചെയ്തിട്ടുണ്ടെന്നല്ലാതെ തല്ലിനെ ഗ്ലോറിഫൈ ചെയ്യുന്നില്ലെന്നും ടൊവിനോ പറഞ്ഞു.
ഒരു അടിയും ഒന്നിന്റേയും അവസാനമല്ല. ചിലപ്പോൾ സൗഹൃദത്തിന്റെ തുടക്കമാവാം. വഴക്ക് കൂടിയിട്ട് സുഹൃത്തുക്കളായ ഒരുപാട് പേരുണ്ട്. ഇത് അങ്ങനൊരു തല്ലാണ്. ടോക്സിക് തല്ലല്ല. തല്ലിനെ ഗ്ലോറിഫൈ ചെയ്യുന്നില്ല. ഫൺ മോഡിലാണ് ഒരുങ്ങിയിരിക്കുന്നതെന്നും’ ടൊവിനോ പറഞ്ഞു.
ഓഗസ്റ്റ് 12 ന് തിയേറ്ററുകളുലെത്തിയ ചിത്രത്തിന് മികച്ച പ്രേക്ഷക സ്വീകര്യതായാണ് ലഭിച്ചിട്ടുള്ളത്. അനുരാഗ കരിക്കിൻ വെള്ളം, ഉണ്ട, ലവ് എന്നിയ്ക്ക് ശേഷം ഖാലിദ് റഹ്മാൻ ഒരുക്കിയ ചിത്രമാണ് തല്ലുമാല. മുഹ്സിൻ പരാരിയും അഷറഫ് ഹംസയും ചേർന്നാണ് ചിത്രത്തിന്റെ തിരക്കഥ ഒരുക്കിയിരിക്കുന്നത്.
ആഷിഖ് ഉസ്മാൻ പ്രൊഡക്ഷൻസിന്റെ ബാനറിൽ ആഷിഖ് ഉസ്മാനാണ് ചിത്രം നിർമ്മിച്ചിരിക്കുന്നത്. ടൊവിനോ തോമസ്, കല്ല്യാണി പ്രിയദർശൻ, ഷൈൻ ടോം ചാക്കോ, ജോണി ആന്റണി, ബിനു പപ്പു, ലുക്ക്മാൻ അവറാൻ തുടങ്ങി ഒരു നീണ്ട താരനിര തന്നെ ചിത്രത്തിലുണ്ട്. വിഷ്ണു വിജയ് ഈണമിട്ട രണ്ട് ഗാനങ്ങൾ നേരത്തേ തന്നെ ശ്രദ്ധയാകർഷിച്ചിരുന്നു. ജിംഷി ഖാലിദ് ആണ് ചിത്രത്തിന്റെ ഛായാഗ്രാഹകൻ.