മികച്ച നടനുള്ള സംസ്ഥാന പുരസ്കാരം ലഭിച്ചതിന്റെ സന്തോഷം പങ്കുവെച്ച് നടന് സുരാജ് വെഞ്ഞറാമൂട്. വികൃതി, ആന്ഡ്രോയ്ഡ് കുഞ്ഞപ്പന് വേര്ഷന് 5.25 ചിത്രങ്ങളിലെ പ്രകടനത്തിനാണ് സുരാജ് അവാര്ഡിന് അര്ഹനായത്. രണ്ടും വെല്ലുവിളി നിറഞ്ഞ കഥാപാത്രമായിരുന്നു, അത് പ്രേക്ഷകര് സ്വീകരിച്ചതില് ഏറെ സന്തോഷമുണ്ടെന്നും സുരാജ് മാധ്യമങ്ങളോട് പ്രതികരിച്ചു.
പുരസ്കാരങ്ങള് നേടിയ എല്ലാവര്ക്കും അഭിനന്ദനങ്ങളും സുരാജ് അറിയിച്ചു. കോവിഡ് കാലം മാറി തിയേറ്ററില് നിറഞ്ഞ സദസ്സില് പ്രേക്ഷകര് സിനിമ കാണാനെത്തുന്നത് പ്രതീക്ഷിച്ചിരിക്കുകയാണ് എന്നും താരം പറഞ്ഞു. നിലവില് ജനഗണമന എന്ന സിനിമയുടെ ലൊക്കേഷനിലാണ് സുരാജ്.
ആന്ഡ്രോയ്ഡ് കുഞ്ഞപ്പന് സിനിമയ്ക്ക് മികച്ച നവാഗത സംവിധായകനുള്ള പുരസ്കാരം രതീഷ് പൊതുവാള് നേടി. സൗബിന് ഷാഹിര്, സൂരജ്, മാല പാര്വതി, മേഘ മാത്യു തുടങ്ങിയ താരനിര ചിത്രത്തില് അണിനിരന്നിരുന്നു. മൂണ്ഷോട്ട് എന്റര്ടെയിന്മെന്റിന്റെ ബാനറില് സന്തോഷ് ടി കുരുവിളയാണ് ചിത്രം നിര്മ്മിച്ചത്.
നവാഗത സംവിധായകനായ എം.സി. ജോസഫ് സംവിധാനം ചെയ്ത സിനിമയാണ് വികൃതി. കൊച്ചി മെട്രോയില് മദ്യപിച്ചു കിടന്നുറങ്ങിയെന്ന പേരില് അപമാനിക്കപ്പെട്ട ശാരീരിക പരിമിതികളുള്ള അങ്കമാലി സ്വദേശി എല്ദോയുടെ കഥയാണ് ചിത്രം പറഞ്ഞത്.