ഐശ്വര്യ ലക്ഷ്മിയുടെ ‘കുമാരി’ ചിത്രത്തിന്റെ ട്രെയ്ലര് എത്തിയപ്പോള് നടി സുരഭി ലക്ഷ്മിയുടെ മന്ത്രവാദിനി ലുക്കിലുള്ള കഥാപാത്രം ശ്രദ്ധിക്കപ്പെട്ടിരുന്നു. തന്റെ കഥാപാത്രം ചര്ച്ചയാകുന്നതിനെ കുറിച്ച് തുറന്നു പറഞ്ഞിരിക്കുകയാണ് സുരഭി ലക്ഷ്മി. ഇലന്തൂരിലെ നരബലി അടക്കമുള്ള സംഭവങ്ങളുമായി ചിത്രത്തിന് ബന്ധമില്ല എന്ന് പറയുകയാണ് സുരഭി ഇപ്പോള്.
80 വയസുള്ള മന്ത്രവാദിനി ആയാണ് അഭിനയിക്കുന്നത്. 80 വയസ് വരെ നമുക്ക് മാനസികമായി സഞ്ചരിക്കാന് ബുദ്ധിമുട്ടാണ്. ഒരു പത്തിരുപത് വയസ് വരെ ഒക്കെയാണെങ്കില് പറ്റും. അങ്ങനെ ഈ റോള് ചെയ്യുന്നില്ല എന്ന് പറഞ്ഞതാണ്. പിന്നെ സംവിധായകനൊക്കെ നിര്ബന്ധിച്ചാണ് ഈ കഥാപാത്രം ചെയ്യുന്നത്.
ഇപ്പോള് നടക്കുന്ന സംഭവവുമായി സിനിമയിലെ താന് അവതരിപ്പിക്കുന്ന മന്ത്രവാദിനിക്ക് ഒരു ബന്ധവുമില്ല. ഇങ്ങനെയൊരു ചര്ച്ച ഉണ്ടാക്കുക എന്നതല്ല സിനിമയുടെ ലക്ഷ്യം. തങ്ങള് ഒരു മുഴുനീള എന്റര്ടെയ്നര് സിനിമയാണ് ഉദ്ദേശിച്ചത്. ബാംബു ബോയിസിലൊക്കെ വന്നിട്ടുള്ള ഒരു ഭാഷയാണ്.
പക്ഷെ നമ്മള് തമാശ രീതിയിലാണ് എടുത്തിട്ടുള്ളത്. ഇത് ഒരു സീരിയസ് സംഭവമാണ് എന്നാണ് സുരഭി ലക്ഷ്മി ഒരു മാധ്യമത്തോട് പ്രതികരിക്കുന്നത്. ഒക്ടോബര് 28ന് ആണ് ‘കുമാരി’ തിയേറ്ററുകളില് എത്തുന്നത്. ഷൈന് ടോം ചാക്കോ, തന്വി റാം, രാഹുല് മാധവ്, സ്ഫടികം ജോര്ജ്, സ്വാസിക എന്നിവരാണ് മറ്റ് കഥാപാത്രങ്ങള്.