ബോളിവുഡിലെ പ്രമുഖ നടി മാത്രമല്ല സ്വന്തം നിലപാടുകളിലൂന്നി നില്‍ക്കുന്ന താരം, ഫാഷനിസ്റ്റ് എന്നീ വിശേഷണങ്ങളും സോനം കപൂറിനുണ്ട്. ഇപ്പോഴിതാ താരം മുന്‍പ് ഒരു വിഡിയോയില്‍ പറഞ്ഞ കാര്യങ്ങളാണ് ഇപ്പോള്‍ ഏറെ ശ്രദ്ധ നേടുന്നത്.
കൗമാരത്തില്‍ സാധാരണ പെണ്‍കുട്ടികള്‍ക്ക് വരാറുള്ള ഹോര്‍മോണ്‍ പ്രശ്‌നങ്ങള്‍ തനിക്കും ഒരുപാട് ഉണ്ടായിരുന്നുവെന്ന് താരം വെളിപ്പെടുത്തി. തനിക്ക് ശരീരത്തില്‍ മുടി വളര്‍ച്ചയും മുഖക്കുരുവും ഉണ്ടായിരുന്നതായി താരം പറഞ്ഞു.
താന്‍ കറുത്തിരുന്നുവെന്നും അതുകൊണ്ട് തന്നെ എങ്ങനെ വിവാഹം കഴിക്കുമെന്ന് ബന്ധുക്കള്‍ ചോദിച്ചിരുന്നതായും താരം വ്യക്തമാക്കി. ഇന്ത്യയില്‍ ഇങ്ങനെയാണെന്നും പെണ്‍കുട്ടികള്‍ കല്യാണം കഴിക്കാന്‍ വേണ്ടി സുന്ദരികളായി ഇരിക്കണമെന്ന് സമൂഹം നിരന്തരം പറഞ്ഞുകൊണ്ടിരിക്കുമെന്നും സോനം വ്യക്തമാക്കി.
പെണ്‍കുട്ടികളുടെ വിദ്യാഭ്യാസം പോലും വിവാഹസമയത്ത് നല്ല ആലോചനകള്‍ വരാന്‍ സി വി യില്‍ ചേര്‍ക്കേണ്ട ഒരു ഘടകം മാത്രമായി മാറുന്നുവെന്നും താരം പറഞ്ഞു.
