തെന്നിന്ത്യൻ താരം ശ്രുതി ഹാസനും കാമുകൻ ശാന്തനു ഹസാരികയും വേർപിരിഞ്ഞുവെന്ന തരത്തിലുള്ള വാർത്തകൾ അടുത്തിടെ പുറത്തുവന്നിരുന്നു. ഇപ്പോഴിതാ അതിൽ സ്ഥിരീകരണവുമായി എത്തിയിരിക്കുകയാണ് ശ്രുതി ഹാസൻ.
താൻ ഇപ്പോൾ പൂർണ്ണമായും സിംഗിൾ ആണെന്നാണ് ശ്രുതി പറയുന്നത്. മിംഗിൾ ആകാൻ തയ്യാറല്ലെന്നും ശ്രുതി പറയുന്നു. ഇൻസ്റ്റഗ്രാമിലെ ആസ്ക് മീ എനിത്തിങ് എന്ന സെഷനിലാണ് ശ്രുതി ആരാധകരുടെ ചോദ്യത്തിന് മറുപടി നൽകിയിരിക്കുന്നത്.
“ഞാന് പൂര്ണമായും സിംഗിളാണ്, മിംഗിള് ആകാന് തയ്യാറല്ല. ഇപ്പോള് ജോലിയിലാണ് കമ്മിറ്റഡ് ആയിരിക്കുന്നത്, എന്റെ ജോലി നന്നായി ആസ്വദിച്ചുകൊണ്ടിരിയ്ക്കുകയാണ്.” എന്നാണ് ശ്രുതി ഹാസൻ കുറിച്ചത്.
പ്രശാന്ത് നീൽ സംവിധാനം ചെയ്ത ‘സലാർ പാർട്ട് 1’ ആയിരുന്നു ശ്രുതിയുടെ അവസാനം പുറത്തിറങ്ങിയ ചിത്രം. അതിനിടെ ലോകേഷ് കനകരാജുമായുള്ള ഒരു മ്യൂസിക് വീഡിയോയും പുറത്തുവന്നിരുന്നു