അഭിനയത്തിലേക്ക് എത്തും മുമ്പ് ഒമ്പത് വര്‍ഷത്തോളം സംവിധായകന്‍ കമലിന്റെ അസിസ്റ്റന്റ് ആയിരുന്നു ഷൈന്‍ ടോം ചാക്കോ. സിനിമയില്‍ അവസരങ്ങള്‍ കുറഞ്ഞപ്പോള്‍ അനുഭവിച്ച ഡിപ്രഷനെ കുറിച്ച് തുറന്നു പറഞ്ഞിരിക്കുകയാണ് ഷൈന്‍ ഇപ്പോള്‍. സിനിമ കുറഞ്ഞപ്പോള്‍ മറ്റൊരു ജോലിക്ക് പോയതിനെ കുറിച്ചാണ് നടന്‍ ഇപ്പോള്‍ പറയുന്നത്.
ഒരിക്കല്‍ മാത്രം സിനിമ വിട്ട് വേറെ ജോലിക്ക് പോകാനുള്ള ശ്രമം താന്‍ നടത്തിയിട്ടുണ്ട്. അഭിനയിക്കാനുള്ള അവസരങ്ങള്‍ കിട്ടാതെ വന്നപ്പോള്‍ ആയിരുന്നു അങ്ങനെ വേറെ ജോലി നോക്കിയത്. ഏതെങ്കിലും പടത്തില്‍ കിട്ടുമെന്ന് പ്രതീക്ഷിച്ച് താന്‍ കുറേ കാത്തിരുന്നു.
അവസാനം വീണ്ടും ഡയറക്ഷനിലേക്ക് പോകേണ്ടി വരുമെന്ന അവസ്ഥ വന്നപ്പോള്‍ അത് തനിക്ക് ഭയങ്കര ഡിപ്രസിങ് സിറ്റുവേഷനായിരുന്നു. ഇതോടെയാണ് ഷൈന്‍ മറ്റൊരു ജോലിയിലേക്ക് പോകുന്നത്. താന്‍ ആ സമയത്ത് വീടുകളിലേക്കുള്ള ഏജന്‍സികളില്‍ വര്‍ക്ക് ചെയ്യാന്‍ പോകാമെന്ന് വിചാരിച്ചു.
അങ്ങനെ വീട്ടു ജോലിക്ക് അപേക്ഷിച്ചു. ഒരു ദിവസം താന്‍ വര്‍ക്ക് ചെയ്യാന്‍ പോയി. ഇഷ്ടപ്പെട്ട് ചെയ്യുന്നതല്ലാത്തത് കൊണ്ട് തനിക്ക് എന്തിലോ ലോക്കായ ഫീല്‍ ആയിരുന്നു. അന്ന് രാത്രി തന്നെ അവരോട് പറയാതെ താന്‍ അവിടെ നിന്നും ഓടി പോന്നു എന്നാണ് ഷൈന്‍ പറയുന്നത്.
അതേസമയം, ‘വിചിത്രം’ ആണ് ഷൈന്‍ ടോം ചാക്കോയുടെതായി ഇപ്പോള്‍ തിയേറ്ററുകളില്‍ പ്രദര്‍ശനം തുടരുന്നത്. ഈ വെള്ളിയാഴ്ചയാണ് ചിത്രം തിയേറ്ററുകളില്‍ എത്തിയത്. ‘പടവെട്ട്’ ‘ജിന്ന്’, ‘വെള്ളേപ്പം’ എന്നീ സിനിമകളാണ് ഷൈനിന്റെതായി ഇനി റിലീസിന് ഒരുങ്ങുന്നത്.