ദുര്‍മന്ത്രവാദത്തിന്റെ പേരില്‍ ഭര്‍ത്താവ് ഉപദ്രവിക്കുന്നതായി നടി ദിവ്യ. സ്ത്രീധനം നല്‍കാത്തതിനാല്‍ തന്നെ അന്ധവിശ്വാസം മറയാക്കി തന്നെ ഭര്‍ത്താവ് പീഡിപ്പിക്കുകയാണ് എന്നാണ് സീരിയല്‍ നടിയായ ദിവ്യയുടെ ആരോപണം. 24 ന്യൂസിനോടാണ് ദിവ്യ പ്രതികരിച്ചിരിക്കുന്നത്.
വെള്ളായണി സ്വദേശിയായ ഭര്‍ത്താവ് അരുളിനും കുടുംബത്തിനും എതിരെയാണ് ദിവ്യ രംഗത്തെത്തിയിരിക്കുന്നത്. വിവാഹം കഴിഞ്ഞ ആറ് വര്‍ഷമായി ദുര്‍മന്ത്രവാദത്തിന്റെയും അനാചാരത്തിന്റെയും കാര്യം പറഞ്ഞ് ദിവസവും പ്രശ്നങ്ങളാണ്. ഒരു വിധത്തിലും ജീവിക്കാന്‍ പറ്റുന്നില്ല.
തന്നെയും മകളെയും ഇതിനായി നിര്‍ബന്ധിക്കുകയും വഴങ്ങിയില്ലെങ്കില്‍ ഉപദ്രവിക്കുകയും ചെയ്യും. പിന്നെ പൂജ ചെയ്ത സാധനങ്ങള്‍ ഓരോന്ന് കഴിക്കാന്‍ തരും. മോളുടെ ദേഹത്തും ഓരോന്ന് പരീക്ഷിക്കാനും ഓരോ സ്ഥലത്ത് പൂജയ്ക്ക് കൊണ്ടുപോകാനും തുടങ്ങി.
ഇതോടെ ഭര്‍ത്താവുമായി താന്‍ വിട്ട് നില്‍ക്കുകയാണ്. ഭര്‍ത്താവിന്റെ വീട്ടുകാര്‍ക്ക് തന്നെയും മകളെയും എങ്ങനെയെങ്കിലും ഭര്‍ത്താവിന്റെ അടുത്ത് നിന്ന് വേര്‍പ്പെടുത്തണം എന്നാണ് എന്ന് നടി വ്യക്തമാക്കി.
