മലയാളം സീരിയലുകള് എന്ഡോസള്ഫാന് പോലെ സമൂഹത്തിന് മാരകമാണെന്ന നടനും ചലച്ചിത്ര അക്കാദമി ചെയര്മാനുമായ പ്രേം കുമാറിന്റെ പരാമര്ശം വലിയ വിമര്ശനത്തിന് കാരണമായിരിക്കുകയാണ്. സീരിയലുകള്ക്ക് സെന്സറിങ് അനിവാര്യമാണെന്ന് പറഞ്ഞു കൊണ്ടുള്ള വനിതാ കമ്മിഷന്റെ റിപ്പോര്ട്ടിന് പിന്നാലെയാണ് പ്രേം കുമാറിന്റെ പരാമര്ശം.
പ്രേം കുമാറിന്റെ പരാമര്ശത്തിനെതിരേ നടന്മാരായ ധര്മ്മജനും ഹരീഷ് പേരടിയും രംഗത്തെത്തിയിരുന്നു. ഇപ്പോഴിതാ ഈ വിഷയത്തില് പ്രതികരണവുമായി രംഗത്തെത്തിയിരിക്കുകയാണ് നടി സീമ ജി. നായര്. ഇവിടെ നടക്കുന്നത് ചീഞ്ഞ രാഷ്ട്രീയക്കളികളാണെന്നും സോഷ്യല് മീഡിയ പ്ലാറ്റ്ഫോമില് നടക്കുന്ന കാര്യങ്ങളേക്കാളും എത്രയോ ഭേദമാണ് സീരിയലെന്നും സീമ ഫെയ്സ്ബുക്കില് കുറിച്ചു.
സീമ ജി നായരുടെ കുറിപ്പ്:
നമസ്ക്കാരം കഴിഞ്ഞ കുറെ ദിവസമായി സീരിയലിന്റെ പേരില് കുറച്ചു വിഷയങ്ങള് വന്നുകൊണ്ടേയിരിക്കുന്നു ..സീരിയല് ആണ് കേരളത്തിലെ ഏറ്റവും വലിയ പ്രശ്നം ..സീരിയല് കാരണം ഇവിടെ എന്തൊക്കെയോ സംഭവിക്കുന്നു ..സത്യത്തില് മനസിലാകാത്ത ചില ചോദ്യങ്ങള് മനസ്സില് ഇവിടെ നടക്കുന്നത് ചീഞ്ഞ രാഷ്ട്രീയ കളികള് ..കഴിഞ്ഞ ദിവസങ്ങളില് എല്ലാവരും അത് കണ്ടതാണ് ..ഇനി കാണാന് പോകുന്നതും അതാണ് ..അതിലും എത്രയോ ഭേദം ആണ് സീരിയല് ..സോഷ്യല് മീഡിയ എന്ന പ്ലാറ്റ്ഫോമില് നടക്കുന്നത് എന്തൊക്കെയാണ് ..അതിലും ഭേദമാണ് സീരിയല് ..നമ്മുടെ കയ്യിലാണ് റിമോട്ട് ഉള്ളത് ..വേണ്ട എന്ന് തൊന്നുന്നതു കാണാതിരിക്കുക .പിന്നെ സീരിയല് കണ്ടിട്ട് ഇതുപൊലെ ചെയ്തുന്നു ആരും പറഞ്ഞു കേട്ടിട്ടില്ല ..അതുമാത്രവുമല്ല ..10 നും 25 നും മദ്ധ്യേ ഉള്ള തൊണ്ണൂറു ശതമാനം ആളുകളും ഇത് കാണാറില്ല ..
അവര്ക്കു ക്രിക്കറ്റും ,ഫുട്ബാളും ,കൊറിയന് ചാനലും ,കൊറിയന് പടങ്ങളും ..ഇംഗ്ലീഷ് ചാനലുകളും.ഇംഗ്ലീഷ് പടങ്ങളുമൊക്കെയുണ്ട് ..പല വീടുകളില് ചെല്ലുമ്പോളും പ്രായം ചെന്നവര് പറഞ്ഞു കേട്ടിട്ടുണ്ട് മക്കളും ,മരുമക്കളും ,കൊച്ചുമക്കളും പോയാല് കൂട്ട് ഈ സീരിയല് ഒക്കെ ആണെന്ന് ..അവരുടെ ഏകാന്തതയിലെ കൂട്ട് ,പിന്നെ കുട്ടികള് ചീത്തയായി പോകുന്നുവെങ്കില് ആദ്യം മൊബൈല് ഫോണ് ഉപയോഗം കുറക്കുക എന്നുള്ളതാണ് ..അധികാരം കയ്യില് കിട്ടുമ്പോള് പഴി ചാരുന്ന ചില കൂട്ടര് ഉണ്ട് ..അവര്ക്ക് ഞാന് മുകളില് പറഞ്ഞ കുറച്ചു കാര്യങ്ങള് കേരളത്തില് നിരോധിക്കാന് പറ്റുമോ??അത് ആദ്യം നടക്കട്ടെ ..ഇവിടെ പല വര്ക്കുകളും തലേ ദിവസം ഷൂട്ട് ചെയ്യുന്നുണ്ട് ..ചില വര്ക്കുകള് പെട്ടെന്ന് നിന്ന് പോകുന്നുണ്ട് ..ഞങ്ങള്ക്കു അന്നം തരുന്ന പ്രൊഡ്യൂസഴ്സ് നൂറ് എപ്പിസൊടൊക്കെ എടുത്തു കൊടുത്തു സെന്സറിങ്ങിനു വിടാന് പറ്റുമോ ..
ഞങ്ങളെ പോലെ പതിനായിരക്കണക്കിന് ആളുകളുടെ ജീവിതം ആണിത് ..ഇതല്ലാതെ വേറെ ഒരു തൊഴിലും അറിയാത്ത എത്രയോ പേരിവിടെ ഉണ്ട് ..അതുകൊണ്ടു സീരിയലിന്റെ നെഞ്ചിലേക്ക് മെക്കിട്ടു കേറാതെ ശരിയാക്കേണ്ട ,നന്നാക്കേണ്ട കുറെ കാര്യങ്ങള് ഉണ്ട് ..ആദ്യം അത് ചെയ്യൂ ..ഇത് കാണേണ്ട എന്നുള്ളവര് കാണാതെ ഇരിക്കുക ..കയ്യിലുള്ള റിമോട്ടില് ഇഷ്ടമുള്ളത് കാണുക ..പറ്റുമെങ്കില് ഇവിടുത്തെ രാഷ്ട്രീയ നാടകങ്ങള് ..എന്ഡോ സള്ഫാനെക്കാളും വിഷം നിറഞ്ഞതാണ് ഇവിടുത്തെ രാഷ്ട്രീയം ..പുതു തലമുറ ഈ വര്ഗീയതയും മറ്റും കണ്ടാണ് വളരുന്നത് ..പുതു തലമുറ ചീത്തയാകാനുള്ള ഇഷ്ടം പോലെ കാര്യങ്ങള് അവര്ക്കു തന്നെ പലരീതിയിലും കിട്ടുന്നുണ്ട് ..അതിലും ഭേദം ആണ് ഞങ്ങളുടെ ജീവിതമാര്ഗം.