ടെലിവിഷന് പ്രേക്ഷകര്ക്ക് സുപരിചിതയാണ് നടി സീമ ജി നായര്. ചേറപ്പായി കഥകളിലൂടെ എന്ന സീരിയലിലൂടെയാണ് നടി ടെലിവിഷന് രംഗത്തേക്ക് കടക്കുന്നത്. ഇപ്പോഴിതാ നാടകനടിയായിരുന്ന തന്റെ അമ്മ മകള് ഒരിക്കലും അഭിനയരംഗത്തേക്ക് കടന്നുവരരുതെന്ന് ആഗ്രഹിച്ചിരുന്നുവെന്ന് തുറന്നുപറഞ്ഞിരിക്കുതയാണ്.
സീമയുടെ വാക്കുകള്
‘ഒമ്പതാം വയസ്സിലാണ് അമ്മ നാടക രംഗത്തേക്ക് വരുന്നത്. അന്ന് നന്നായി പാടുന്ന ആള്ക്കാര് വേണം. അമ്മ നന്നായി പാടുമായിരുന്നു. അങ്ങനെയാണ് അമ്മ അഭിനയ രം?ഗത്തേക്ക് വരുന്നത്. നടിയെന്ന് പറഞ്ഞാല് സമൂഹം പുച്ഛത്തോടെ കണ്ടിരുന്ന ഒരു കാലഘട്ടം ഉണ്ടായിരുന്നു. പക്ഷെ അമ്മ പിടിച്ചു നിന്നു’
‘അത് കഴിഞ്ഞ് വിവാഹം ശേഷം പ്രസവിച്ചിട്ട് രണ്ടാമത്തെയോ മൂന്നാമത്തെയോ ദിവസം കുഞ്ഞിനെയും കൊണ്ട് നാടക സ്റ്റേജിലേക്കാണ് പോയത്. സ്റ്റേജിന്റെ അടിയില് തൊട്ടില് കെട്ടി കുഞ്ഞിനെ അതിലുറക്കും. സീനില്ലാത്തപ്പോള് വന്ന് പാല് കൊടുക്കും.
‘അമ്മയക്ക് സമൂഹത്തില് നേരിടേണ്ടി വന്ന ഒരുപാട് അനുഭവങ്ങളുണ്ട്. ഒരു നികൃഷ്ട ജീവിയെ പോലെ നോക്കിക്കാണുന്ന സമൂഹമായിരുന്നു. ആ ഒരവസ്ഥയില് നിന്ന് അമ്മ പ്രതിഞ്ജയെടുത്തു. മക്കള് കലാകാരന്മാരാവുന്നതില് കുഴപ്പമില്ല ഒരിക്കലും നടിയാവരുതെന്ന്’