ഉണ്ണി മുകുന്ദന് പിന്തുണയുമായി സന്തോഷ് പണ്ഡിറ്റ്. ഉണ്ണി മുകുന്ദന് ഫിലിംസ് നിര്മ്മിച്ച ‘ഷെഫീക്കിന്റെ സന്തോഷം’ ചിത്രത്തില് അഭിനയിച്ചിട്ട് പ്രതിഫലം നല്കിയില്ലെന്ന് ആരോപണവുമായി നടന് ബാല രംഗത്തെത്തിയിരുന്നു. പിന്നാലെ ബാലയ്ക്ക് പ്രതിഫലം നല്കിയെന്ന് വ്യക്തമാക്കുന്ന തെളവുകളുമായി ഉണ്ണി മുകുന്ദന് രംഗത്തെത്തി.
പ്രസ് മീറ്റിലാണ് ഉണ്ണി മുകുന്ദന് ബാലയ്ക്ക് 2 ലക്ഷം രൂപ നല്കിയതിന്റെ തെളിവുകള് പുറത്തുവിട്ടത്. ഫെയ്സ്ബുക്കിലും താരം തെളിവുകള് പങ്കുവച്ചിരുന്നു. ഈ പോസ്റ്റിന് താഴെ സന്തോഷ് പണ്ഡിറ്റ് നല്കിയ മറുപടിയാണ് ഇപ്പോള് ശ്രദ്ധ നേടുന്നത്.
‘പൊളിച്ചു dear..Keep it up.. ഈ statement ഇങ്ങനെ പബ്ലിക്ക് ആയി ഇട്ടില്ലെങ്കിലും നിങള് ആണ് ശരിയെന്ന് ഞങ്ങള്ക്ക് അറിയാം.. എങ്കിലും ചിലരെങ്കിലും ഈ വാര്ത്ത വായിച്ച് തെറ്റിധരിച്ചു എങ്കില് ഈ തെളിവുകള് നല്ലതാണ്.. നിങ്ങളുടെ കരിയര് തകര്ക്കുവാന് ആരൊക്കെയോ പുറകില് നിന്നും ശ്രമിക്കുന്നുണ്ട് എന്നു തോന്നുന്നു..”
”വളരെ ശ്രദ്ധയോടെ മുന്നോട്ട് പോവുക. ദൈവം നിങ്ങളോടൊപ്പം ഉണ്ട്. All the best dear” എന്നാണ് സന്തോഷ് പണ്ഡിറ്റ് ഉണ്ണി മുകുന്ദന്റെ പോസ്റ്റിന് താഴെ കുറിച്ചത്. പിന്നാലെ സന്തോഷിന്റെ പ്രതികരണം ശരി വച്ച് നിരവധി പേര് രംഗത്തെത്തുകയും ചെയ്തു.
ഷഫീക്കിന്റെ സന്തോഷത്തിലേക്ക് ഉണ്ണി മുകുന്ദന് തന്നെയാണ് ബാലയെ സജസ്റ്റ് ചെയ്തത്. സൗഹൃദത്തിന്റെ പേരില് ചെയ്യാം എന്നാണ് ബാല പറഞ്ഞതെങ്കിലും പ്രതിദിനം 10,000 രൂപ വച്ച് 2 ലക്ഷം രൂപ നല്കി എന്നാണ് ഉണ്ണി മുകുന്ദന് വ്യക്തമാക്കിയത്.