തന്റെ അച്ഛനെ കുറിച്ച് സംസാരിച്ച് നടി സായ് പല്ലവി. ഇന്ത്യന് ഫുട്ബോള് പ്ലെയര് ആയിരുന്ന അച്ഛന്റെ രണ്ട് കാലിലും സ്റ്റീല് ഇടേണ്ടി വന്നിരുന്നതായും അതിനെ എങ്ങനെ തരണം ചെയ്തുവെന്നുമാണ് സായ് പല്ലവി പറയുന്നത്. പേളി മാണി ഷോയില് അതിഥിയായി എത്തിയപ്പോഴാണ് സായ് പല്ലവി തന്റെ അച്ഛന്റെ ജീവിതത്തിലുണ്ടായ പ്രതിസന്ധിയെ കുറിച്ച് സംസാരിച്ചത്.
എന്റെ ഡാഡി വലിയൊരു ഫുട്ബോള് പ്ലെയറായിരുന്നു. ഇന്ത്യക്ക് വേണ്ടി ഫുട്ബോള് കളിച്ചിരുന്നു. പിന്നീട് കാല് പോയി. രണ്ട് കാലിലും സ്റ്റീല് ഇടേണ്ടി വന്നു. അതിന് ശേഷമാണ് സെന്ട്രല് ഗവണ്മെന്റ് ജോലിയില് പ്രവേശിച്ചത്. ഈ വര്ഷമാണ് അദ്ദേഹം റിട്ടയറായത്.
ഒരു ഡാന്സര് എന്ന രീതിയില് എന്റെ കാല് ഒടിഞ്ഞു പോയാല് തിരിച്ചു വന്ന് ഞാന് ഡാന്സ് ചെയ്യുമോ എന്ന് ചോദിച്ചാല് എനിക്കറിയില്ല. എനിക്കത്ര വില് പവര് ഇല്ല. ഞാന് പക്ഷേ അപ്പയോട് ചോദിച്ചിട്ടുണ്ട്, കാലൊടിഞ്ഞതിന് ശേഷം എങ്ങനെയാണ് വീണ്ടും ഫുട്ബോളിനെ സ്നേഹിക്കാനും അതിനെയെല്ലാം റിക്കവര് ചെയ്ത് ജോലിയ്ക്ക് കയറാനും കഴിഞ്ഞത്?
അപ്പ ഹാപ്പിയാണോ? എന്നൊക്കെ. ഒരു ഹാപ്പി ഫാമിലിയും കുട്ടികളുമുണ്ടെങ്കില് പ്രതിസന്ധികളെയൊക്കെ തരണം ചെയ്ത് എന്ത് നമുക്ക് പ്രൊവൈഡ് ചെയ്യാനാവുമെന്ന് നാം ആലോചിക്കും എന്നായിരുന്നു അപ്പയുടെ മറുപടി. അദ്ദേഹത്തിന് അതൊക്കെ ഈസിയായ കാര്യങ്ങളായിരുന്നു.
വളരെ ഗ്രേസോടെ അദ്ദേഹം എല്ലാം അതിജീവിച്ചു. ഇതൊന്നും വലിയ വിഷയമല്ലെന്ന രീതിയില് അദ്ദേഹം ജീവിച്ചു എന്നാണ് സായ് പല്ലവി പറയുന്നത്. അതേസമയം, ‘അമരന്’ എന്ന ചിത്രമാണ് സായ് പല്ലവിയുടെതായി ഇന്ന് തിയേറ്ററുകളില് എത്തിയിരിക്കുന്നത്. ശിവകാര്ത്തികേയന് ആണ് ചിത്രത്തില് നായകന്.