വിധവയുടെ വേഷത്തില് അഭിനയിച്ചപ്പോഴുള്ള അനുഭവം പറഞ്ഞ് നടിയും സംവിധായകയുമായ രേവതി. സുഹാസിനി അവതാരകയായി എത്തുന്ന ഷോയിലാണ് രേവതി സംസാരിച്ചത്. ‘വൈദേഹി കാത്തിരുന്താള്’ എന്ന ചിത്രത്തെ കുറിച്ചുള്ള ഓര്മ്മയാണ് രേവതി പങ്കുവച്ചത്. വിധവയുടെ വേഷം ധരിച്ചപ്പോള് വല്യമ്മ ഞെട്ടിപ്പോയി എന്നാണ് രേവതി പറയുന്നത്.
”അമ്മയുടെ ചേച്ചി, വല്യമ്മയാണ് എനിക്കൊപ്പം ലൊക്കേഷനില് വന്നിരുന്നത്. ഹൊഗനേക്കലില് ചിത്രീകരിച്ച ‘വൈദേഹി കാത്തിരുന്താള്’ എന്ന സിനിമയില് എനിക്ക് ഒരു വിധവയുടെ വേഷമാണ്. ആദ്യ ദിവസം ഷൂട്ടിംഗിന് കോസ്റ്റ്യൂം ഒക്കെ ഇട്ടു വന്ന എന്നെ കണ്ടു വല്യമ്മ ഞെട്ടിപ്പോയി. ഈ കഥാപാത്രമാണോ നീ ചെയ്യുന്നത് എന്ന് ചോദിച്ചു അവര്.”
”അതെ എന്ന് ഞാന് പറഞ്ഞു. അയ്യോ ഏതു വേണ്ട, എനിക്ക് സങ്കടം വരുന്നു എന്നായി അവര്. എന്നിട്ടു എന്നെ ഉഴിഞ്ഞൊക്കെ ഇട്ടു. ഞാന് പറഞ്ഞു വല്യമ്മേ ഇത് ഒരു കഥാപാത്രം മാത്രമല്ലേ, ഇങ്ങനെ ഇമോഷണല് ആവേണ്ട കാര്യമുണ്ടോ എന്നൊക്കെ ചോദിച്ചു സമാധാനിപ്പിച്ചു വിട്ടു” എന്നാണ് രേവതി പറയുന്നത്.
സുഹാസിനി ‘മരുമകളെ വാഴ്ക’ എന്ന ചിത്രത്തില് അഭിനയിച്ചപ്പോഴുണ്ടായ അനുഭവത്തെ കുറിച്ച് പറഞ്ഞപ്പോഴായിരുന്നു. രേവതി തന്റെ അനുഭവവും പങ്കുവച്ചത്. ‘ആദ്യം ഫസ്റ്റ് നൈറ്റ്, നാളെ റേപ്പ് സീന്’ എന്ന് പറയുന്നത് കേട്ട് തന്റെ ചേച്ചി ലൊക്കേഷനില് നിന്നും ഇറങ്ങിപ്പോയി എന്ന് സുഹാസിനി പറഞ്ഞിരുന്നു.
ഇതിന് പിന്നാലെയാണ് രേവതി തന്റെ അനുഭവം പങ്കുവച്ചത്. അതേസമയം, ‘സലാം വെങ്കി’ എന്ന സിനിമ സംവിധാനം ചെയ്ത ശേഷം അഭിനയത്തില് സജീവമാവുകയാണ് രേവതി. സല്മാന് ഖാന് ചിത്രം ‘ടൈഗര് 3’യില് രേവതിയും വേഷമിടുന്നുണ്ട്.