നിയമം കൊണ്ട് ക്രൂരമായ കൊലപാതകങ്ങളെ തടയാന് സാധിക്കുകയില്ലെന്ന് സംവിധായകന് രാം ഗോപാല് വര്മ്മ. മരിച്ച ഇരകളുടെ ആത്മാക്കള് മടങ്ങിവന്ന് കൊലയാളിയെ കൊന്നാല് ഇത് തടയാനാകുമെന്നാണ് ഡല്ഹയില് ലീവ്-ഇന് പങ്കാളിയെ കൊലപ്പെടുത്തിയ കേസിന് പിന്നാലെ രാം ഗോപാല് വര്മ്മ പ്രതികരിച്ചത്.
‘മരണനിദ്രയില് വിശ്രമിക്കുന്നതിന് പകരം മരിച്ച ആള് ഒരു ആത്മാവായി മടങ്ങിവന്ന് കൊന്നവനെ 70 കഷ്ണങ്ങളാക്കട്ടെ, നിയമം കൊണ്ട് ക്രൂരമായ കൊലപാതകങ്ങള് തടയാന് സാധിക്കില്ല. എന്നാല് ഇരകളുടെ ആത്മാക്കള് മരിച്ചവരില് നിന്ന് മടങ്ങിയെത്തി കൊലയാളികളെ കൊന്നാല് തീര്ച്ചയായും ഇവ തടയാനാകും. ഇതിന് ഒരു പരിഹാരം കാണാന് ഞാന് ദൈവത്തോട് അഭ്യര്ത്ഥിക്കുന്നു’. എന്ന് രാം ഗോപാല് വര്മ്മ ട്വീറ്റ് ചെയ്തു.
ഡല്ഹിയില് ് ആറ് മാസം മുമ്പാണ് ശ്രദ്ധയെ തന്റെ ലീവ്-ഇന് പങ്കാളിയായ അഫ്താബ് കൊലപ്പെടുത്തിയത്. ഇരുവരും തമ്മില് ഉണ്ടായ തര്ക്കത്തിനിടെയാണ് അഫ്താബ് ശ്രദ്ധയെ കഴുത്തറത്ത് കൊലപ്പെടുത്തുത്തിയത്. പ്രതി ശ്രദ്ധയെ ഒരു ഹാക്സോ ഉപയോഗിച്ച് വെട്ടി കഷ്ണങ്ങള് ആക്കുകയും 18 ദിവസത്തേക്ക് ഫ്രീസറില് വെക്കുകയും പിന്നീട് അവ പല ഇടങ്ങളിലേക്കായി നീക്കം ചെയുകയും ചെയ്തു.
ഇരുവരുടെയും ബന്ധം കുടുംബത്തില് അംഗീകരിക്കാത്തതിനാല് ശ്രദ്ധയും അഫ്താബും അവരുടെ കുടുംബവുമായി പിണങ്ങി മെഹ്റോളിയിലേക്ക് താമസം മാറ്റിയിരുന്നു. ആറ് മാസമായി ശ്രദ്ധ കുടുംബവുമായി സംസാരിക്കാതിരുന്നതിനാല് മൃതദേഹം കണ്ടെത്തുന്നതിനും് വളരെയധികം സമയമെടുത്തു.