രജിഷ വിജയന് കേന്ദ്ര കഥാപാത്രമായി എത്തുന്ന ചിത്രമാണ് ഫൈനല്സ്. ചിത്രത്തിനിടയില് സംഭവിച്ച അപകടത്തില് തനിക്ക് സാരമായി പരിക്കേറ്റെന്ന് തുറന്ന് പറഞ്ഞിരിക്കുയാണ് രജിഷ. ചിത്രത്തില് സൈക്ലിസ്റ്റായാണ് രജിഷ എത്തുന്നത്. എന്നാല് തനിക്ക് സൈക്കിള് ഓടിക്കാനറിയില്ലായിരുന്നു എന്ന സത്യമാണ് രജിഷ വെളിപ്പെടുത്തുന്നത്.
ഷൂട്ടിനിടയില് 2 തവണ വീണു. രണ്ടാമത്തെ വീഴ്ചയില് വലതു മുട്ടിന്റെ ലിഗമെന്റ് പൊട്ടി. ആ കാല് വച്ചാണ് ബാക്കിയുള്ള 3 ആഴ്ച ഷൂട്ടിനെത്തിയതെന്നും സര്ജറി പറഞ്ഞിരിക്കുകയാണെന്നും താരം വ്യക്തമാക്കി. “സൈക്കിള് ബാലന്സില്ലാത്ത ഒരാള് ഒന്നര മാസം കൊണ്ട് പ്രൊഫഷണല് സൈക്ലിസ്റ്റിനെ പോലെയാവുക എന്നതില് ഭയങ്കര ബുദ്ധിമുട്ടായിരുന്നു. ഹൈറേഞ്ചില് ട്രാക്ക് സൈക്കിള് ഓടിക്കുക ബുദ്ധിമുട്ടായിരുന്നു. റോളര് കോസ്റ്റര് റൈഡ് പോലെയാണ് റോഡ്. പിന്നെ കുഴിയിലോ കല്ലിലോ പോയാ സൈക്കിളിന്റെ ബാലന്സ് തെറ്റും” എന്നാണ് രജിഷ ചിത്രീകരണത്തിനിടയിലെ അനുഭങ്ങളെക്കുറിച്ച് പറയുന്നത്.
സംപൂര്ണ സ്പോര്ട്സ് ചിത്രമായാണ് ഫൈനല്സ് ഒരുങ്ങിയിരിക്കുന്നത്. നിരഞ്ജ്, ധ്രുവന്, ടിനി ടോം, കുഞ്ചന്, മാല പാര്വ്വതി, മുത്തുമണി എന്നിവര്ക്കൊപ്പം ചില കായിക താരങ്ങളും സിനിമയില് അണിനിരക്കുന്നു. നവാഗതനായ പിആര് അരുണ് സംവിധാനം ചെയ്യുന്ന ചിത്രം മണിയന് പിളള രാജുവും പ്രജീവും ചേര്ന്നാണ് നിര്മ്മിക്കുന്നത്. സുധീപ് ഇളമണ് ആണ് ഛായാഗ്രഹണം. സെപ്റ്റംബര് ആറിന് ചിത്രം തിയേറ്ററുകളിലെത്തും.