മലയാളത്തിലും ഇതര ഭാഷകളിലും മികച്ച പ്രകടനം നടത്തി ശ്രദ്ധേയയായ താരമാണ് റായ് ലക്ഷ്മി. അണ്ണൻ തമ്പി, പരുന്ത്, 2 ഹരിഹർ നഗർ, ചട്ടമ്പിനാട്, ഇവിടം സ്വർഗ്ഗമാണ്, ഇൻ ഗോസ്റ്റ്ഹൗസ്, ക്രിസ്ത്യൻ ബ്രദേഴ്സ്, മായാമോഹിനി തുടങ്ങീ മലയാള സിനിമകളിൽ മികച്ച പ്രകടനമായിരുന്നു താരത്തിന്റേത്.
സിനിമയിലെന്ന പോലെ വിവാദങ്ങളിലും താരത്തിന്റെ പേര് ഇടയ്ക്കിടെ കേൾക്കാറുണ്ട്. ഐപിഎല്ലിൽ ചെന്നൈ സൂപ്പർ കിംഗ്സിന്റെ ബ്രാൻഡ് അംബാസിഡർ ആയിരുന്നു താരം. ധോണി ക്യാപ്റ്റനായിരുന്ന സമയത്ത് ധോണിയുമായി ഉണ്ടായിരുന്ന സൗഹൃദവും അതിനെ പറ്റിയുള്ള കാര്യങ്ങളും തുറന്നു പറയുകയാണ് റായ് ലക്ഷ്മി.
“ധോണിയുമായുള്ള പ്രണയബന്ധത്തെ കുറിച്ച് ഇപ്പോഴും തന്നോട് ചോദിക്കപ്പെടുന്നു എന്നും അതിനുശേഷം ഞാൻ മറ്റു നാല് പേരെ ഡേറ്റ് ചെയ്തിട്ടുണ്ട് എന്നും അതൊന്നും ആരും ചോദിക്കുന്നില്ല എന്നും എവിടെയും റിപ്പോർട്ട് ചെയ്യപ്പെടുന്നില്ല. എല്ലാവർക്കും ധോണിയെക്കുറിച്ചാണ് എഴുതാൻ താൽപര്യം. കാരണം അത് എഴുതിയാൽ സെൻസേഷണൽ വാർത്തയാകും എന്ന് എല്ലാവർക്കും അറിയാം” സ്പോട്ബോയ് എന്ന മാധ്യമത്തിനു നൽകിയ അഭിമുഖത്തിലാണ് റായ് ലക്ഷ്മി ഇങ്ങനെ സംസാരിച്ചത്.
എന്നാൽ ആ നാല് പേർ ആരൊക്കെയാണ് എന്ന് താരം വെളിപ്പെടുത്തിയില്ല. ധോണിയുമായുള്ള ബന്ധം നീണ്ടു നിൽക്കാതിരിക്കാൻ മലയാളി ക്രിക്കറ്റ് താരം ശ്രീശാന്ത് കാരണക്കാരൻ ആയിട്ടുണ്ടെന്നാണ് അന്ന് വാര്ത്തകളിൽ നിറഞ്ഞിരുന്നത്.