ടെലിവിഷൻ റിയാലിറ്റി ഷോയിലൂടെ മലയാള സിനിമയിലേക്ക് എത്തിയ നടിയാണ് സാനിയ അയ്യപ്പൻ. ബാലതാരമായെല്ലാം സിനിമയിൽ അഭിനയിച്ചിട്ടുള്ള സാനിയ ആദ്യമായി പ്രധാന കഥാപാത്രത്തെ അവതരിപ്പിക്കുന്നത് ക്വീൻ എന്ന ചിത്രത്തിലാണ്. ഇപ്പോഴിതാ താൻ വിദേശപഠനം അവസാനിപ്പിക്കാൻ ഉണ്ടായ കാരണം വെളിപ്പെടുത്തിയിരിക്കുകയാണ് താരം.
ലോണൊക്കെ എടുത്ത് വിദേശത്ത് പഠിക്കാൻ പോകുന്ന കുട്ടികൾക്ക് അവിടെയൊരു എൻജോയ്മെന്റ് ടൈം ഉണ്ടാകുമെന്ന് തോന്നുന്നില്ലെന്ന് നടിയും മോഡലുമായ സാനിയ അയ്യപ്പൻ പറയുന്നത്. ലണ്ടനിൽ കൂടെ ഉണ്ടായിരുന്ന ബ്രിട്ടീഷ് കുട്ടികളുടെ വംശീയത കാരണമാണ് താൻ പഠിത്തം നിർത്തി പോന്നതെന്നും താരം പറഞ്ഞു. ഒരു അഭിമുഖത്തിലാണ് സാനിയ ലണ്ടനില് ബിഎ ആക്ടിംഗ് ഡയറക്ഷന് പഠിക്കാന് പോയി തിരിച്ചുവന്ന കാര്യം പറഞ്ഞത്.
2023 ല് വിദേശത്ത് പഠിക്കണം എന്ന ആഗ്രഹത്തില് പോയി ആറുമാസത്തില് തിരിച്ചുവന്നുവെന്നാണ് സാനിയ പറയുന്നത്. തന്റെ സ്വന്തം താല്പ്പര്യ പ്രകാരമാണ് വിദേശത്ത് പഠിക്കാന് പോയത്. ആറുമാസം കഴിഞ്ഞ് തിരിച്ചുവന്നു. അവിടെ ചില ബുദ്ധിമുട്ടുകള് നേരിട്ടത് കൊണ്ടാണ് തിരിച്ചുവന്നത്. പല കുട്ടികളും ആവേശത്തോടെയാണ് പുറത്ത് പഠിക്കാന് പോകുന്നത്. പക്ഷെ പിന്നീട് തിരിച്ചുവരാന് അവസരം ഇല്ല. എനിക്ക് അങ്ങനെയൊരു മാര്ഗ്ഗം ഉള്ളതിനാല് തിരിച്ചുവന്നു. അല്ലെങ്കില് അവിടെ പെടുമായിരുന്നുവെന്നും സാനിയ പറഞ്ഞ് വെക്കുന്നു.
ലോണെടുത്ത് വിദേശത്ത് പോകുന്ന കുട്ടികള് അവിടെ അസ്വദിക്കുന്നുണ്ടെന്ന് തോന്നുന്നില്ല. പാര്ട്ട് ടൈം ജോബ് അല്ലെങ്കില് അസൈമെന്റുകള്. ലണ്ടനില് പഠിക്കുന്നു എന്നതിനപ്പുറം എല്ലാം പ്രയാസമാണ്. എന്റെ ക്ലാസില് എല്ലാം ബ്രിട്ടീഷ് ടീനേജേര്സ് ആയിരുന്നു. അവര് വല്ലാതെ വംശീയതയുള്ളവരായിരുന്നു. അവരെ എത്ര പറഞ്ഞിട്ടും കാര്യമില്ല. ആദ്യത്തെ രണ്ടുമാസം ഞാന് അമ്മയെ വിളിച്ച് കരഞ്ഞു. പിന്നീട് നാട്ടില് നല്ല ജീവിതമുണ്ടല്ലോ, പിന്നെ എന്തിന് ഇവിടെ കഷ്ടപ്പെടണം എന്ന ചിന്തവന്നു. തിരിച്ചുവന്നു. യൂണിവേഴ്സിറ്റി മുഴുവന് പണവും തിരിച്ചുതന്നുവെന്നും ക്യൂ സ്റ്റുഡിയോയ്ക്ക് നല്കിയ അഭിമുഖത്തില് സാനിയ പറയുന്നു.