'ചുമ്മാ ഒരു ദിവസം ഉറങ്ങി എഴുന്നേറ്റപ്പോൾ വെളിപാട് ഉണ്ടായതല്ല, ഇതിൽ തന്നെ തുടരാനാണ് പ്ലാൻ'; കമന്റിന് മറുപടി നൽകി അശ്വതി ശ്രീകാന്ത്

അവതാരകയായും നടിയായും മിനിസ്‌ക്രീനിൽ സജീവമാണ് അശ്വതി ശ്രീകാന്ത്. തനിക്ക് എതിരെ സോഷ്യൽ മീഡിയയിൽ വരുന്ന കമന്റുകൾക്കും വിമർശനങ്ങൾക്കുമെല്ലാം അശ്വതി മറുപടി കൊടുക്കാറുമുണ്ട്. ഒരു കമന്റിന് അശ്വതി കൊടുത്ത മറുപടിയാണ് ഇപ്പോൾ സോഷ്യൽ മീഡിയയിൽ ശ്രദ്ധ നേടുന്നത്. ‘ഇവരെ ചുമ്മാ പൊക്കുന്നതായി തോന്നുന്നു, എവിടെയോ വെൽനെസ് കോച്ചെന്നും കണ്ടു’ എന്ന കമന്റിനാണ് അശ്വതി മറുപടി നൽകിയിരിക്കുന്നത്. ഫെയ്‌സ്ബുക്കിലാണ് അശ്വതി മറുപടി കൊടുത്തിരിക്കുന്നത്

‘പൊക്കുന്നതൊക്കെ ചുമ്മാതാണെന്ന് എനിക്കും തോന്നിയിട്ടുണ്ട്. അല്ലെങ്കിൽ തന്നെ impostor syndrome ഉള്ളതാണ്. പിന്നെ വെൽനെസ്സ് കോച്ചെന്ന് താങ്കൾ എവിടെയും കാണാൻ വഴിയില്ല. പക്ഷേ International coaching federation ന്ന് recognised ആയ ലൈഫ് കോച്ചാണ്. ചുമ്മാ ഒരു ദിവസം ഉറങ്ങി എഴുന്നേറ്റപ്പോൾ വെളിപാട് ഉണ്ടായതതല്ല, വർഷങ്ങളോളം പഠിച്ചിട്ടും പണിയെടുത്തിട്ടും പ്രാക്ടീസ് ചെയ്തിട്ടും ഒക്കെയാണ്. അതിലൂടെ ക്രൂരതയൊക്കെ ചെയ്യാൻ പറ്റുമോന്ന് അറിയില്ല. കുറേ മനുഷ്യരോട് നിരന്തരം സംസാരിക്കുന്നുണ്ട്. അവർക്ക് ജീവിതത്തിൽ നല്ല മാറ്റമുണ്ടെന്നാണ് testimonials. ഹരിത പറഞ്ഞ പോലെ ഇതിൽ തന്നെ തുടരാനാണ് പ്ലാൻ. മാറിയാൽ അറിയിക്കാം’ എന്നുമാണ് കുറിപ്പിൽ പറയുന്നത്.

പോസ്റ്റിനു താഴെ അശ്വതിയെ പിന്തുണച്ചും വിമർശിച്ചും നിരവധി കമന്റുകൾ എത്തിയിട്ടുണ്ട്. ഇതിനൊന്നും മറുപടി അർഹിക്കുന്നില്ല. തള്ളിക്കളയുക, വല്ലവരുടേം ജീവിതത്തിൽ പോയി അഭിപ്രായം പറയാനാണ് ഇങ്ങനെ ചിലർക്ക് താല്പര്യം എന്നൊക്കെയുള്ള കമന്റുകളാണ് പോസ്റ്റിനു താഴെ വന്നത്.