അജയ് വാസുദേവിന്റെ സംവിധാനത്തിലെത്തിയ മമ്മൂട്ടി ചിത്രം ഷൈലോക്ക് മികച്ച പ്രതികരണം നേടി രണ്ടാം വാരത്തിലും മുന്നേറുകയാണ്. മമ്മൂട്ടിയുടെ ഓള് റൗണ്ടര് പ്രകടനമാണ് ചിത്രത്തിന്റെ പ്രധാന ആകര്ഷണമെന്നാണ് പ്രേക്ഷകര് വിലയിരുത്തുന്നത്. ഇപ്പോഴിതാ ജോബി ജോര്ജ് ഫെയ്സ്ബുക്കില് ഷൈലോക്കിനെ കുറിച്ച് പങ്കുവെച്ച കുറിപ്പാണ് ശ്രദ്ധ നേടുന്നത്.
“സ്നേഹിതരെ ഒരു സിനിമ നിര്മിക്കുക, വിതരണം ചെയ്യുക വിജയിക്കുക എല്ലാം ദൈവാനുഗ്രഹം ആയി കരുതുന്ന ആളാണ് ഞാന്. ദൈവം കേരളത്തിലെ നല്ലവരായ പ്രേക്ഷകരിലൂടെ ആണ് പ്രവര്ത്തിക്കുന്നത് എന്ന് മാത്രം. നമ്മുടെ സിനിമ ഷൈലോക്ക് വിജയകരമായി മുന്നോട്ട് പോകുകയാണ്. ഇനിയും കാണാത്തവര് അടുത്തുള്ള തിയേറ്ററില് പോയി കാണുക. ഈ മഹാവിജയത്തില് പങ്കുകാരാകുക.” ജോബി ജോര്ജ് കുറിച്ചു.
രാജാധിരാജ, മാസ്റ്റര്പീസ് എന്നീ ചിത്രങ്ങള്ക്ക് ശേഷം മമ്മൂട്ടിയും അജയ് വാസുദേവും ഒന്നിക്കുന്ന ചിത്രമാണിത്. ദ് മണി ലെന്ഡര് എന്നാണ് ചിത്രത്തിന്റെ ടാഗ്ലൈന്. പലിശക്കാരനായ ബോസ് എന്ന കഥാപാത്രത്തെയാണ് ചിത്രത്തില് മമ്മൂട്ടി അവതരിപ്പിക്കുന്നത്. തമിഴ് താരം രാജ്കിരണ് ചിത്രത്തിലൊരു പ്രധാനവേഷം ചെയ്യുന്നുണ്ട്. മീനയാണ് നായിക.