ഒമര് ലുലു സംവിധാനം ചെയ്ത ഒരു അഡാറ് ലവ്വിലെ പാട്ട് രംഗത്തിലൂടെ മണിക്കൂറുകള് കൊണ്ട് വൈറലായ താരമാണ് പ്രിയ പ്രകാശ് വാര്യര്. എന്നാല് വൈറലായ അന്ന് മുതല് താരത്തിനെതിരെ ട്രോളുകളുടെ പ്രവാഹമാണ്. പിങ്ക്വില്ലയ്ക്ക് നല്കിയ അഭിമുഖത്തിലൂടെയാണ് പുതിയ തന്റെ വിശേഷങ്ങള് പ്രിയ പങ്കുവെച്ചത്. സെലിബ്രിറ്റിക്ക് വ്യക്തി ജീവിതമുണ്ടെന്ന കാര്യം പല ആളുകളും മറക്കുന്നു.
സാധാരണക്കാരെ പോലെ തന്നെയുള്ള ജീവിതമാണ് ഓരോ ദിവസവും ഞങ്ങളും നയിക്കുന്നതെന്ന് അവര് മറന്ന് പോവുകയാണ്. ഇന്സ്റ്റാഗ്രാമിലൂടെ നിരന്തരം ഓരോ കാര്യങ്ങളും പോസ്റ്റ് ചെയ്യണമെന്നൊരു ഉത്തരവാദിത്വം ഉള്ളതായി ഞാന് കരുതുന്നില്ല. എന്റെ കാര്യങ്ങള് ഇന്സ്റ്റാഗ്രാമിലൂടെ മറച്ച് പിടിച്ച് പോസ്റ്റ് ചെയ്യുന്ന വ്യക്തിയല്ല ഞാന്.
ആളുകള് ഇതെല്ലാം സാധാരണ പോലെയാണെന്ന് കരുതാന് തുടങ്ങണം. ട്രോളുകളെ കുറിച്ച് പറയുകയാണെങ്കില് കഴിഞ്ഞ മൂന്ന് വര്ഷം കൊണ്ട് ഒരുപാട് നേരിടേണ്ടി വന്നിട്ടുണ്ട്. പ്രിയ പറഞ്ഞു.
സത്യസന്ധമാണെന്ന് തോന്നുന്ന തരത്തിലുളള ട്രോളുകള് താന് ഇതുവരെ കണ്ടിട്ടില്ലെന്നും വളര്ന്ന് വരുന്നൊരു നടിയെ സംബന്ധിച്ച് കൂടുതല് ആളുകളുടെ ശ്രദ്ധയില് പെടുക എന്നത് തന്നെ വലിയൊരു കാര്യമാണെന്നും പ്രിയാ വാര്യര് അഭിമുഖത്തില് കൂട്ടിച്ചേര്ത്തു.