‘കിംഗ് ഓഫ് കൊത്ത’യില് ദുല്ഖര് സല്മാന്റെ ബ്രഹ്മാണ്ഡ റോളിനെ കുറിച്ച് വെളിപ്പെടുത്തി നടന് പ്രമോദ് വെളിയനാട്. ‘കിംഗ് ഓഫ് കൊത്ത’യില് ഒരു സീന് ദുല്ഖറുമായി അഭിനയിച്ചിട്ടുണ്ട്. അതില് മുഴുനീള കഥാപാത്രമാണ്.
ദുല്ഖറിന്റെ എതിരെ നില്ക്കുന്ന കഥാപാത്രമാണ് ഞാന്. എന്റെ കയ്യില് സ്ക്രിപ്റ്റുണ്ട്. ഞാന് വായിച്ചിരുന്നു. ഒരുപാട് സീനുകളുണ്ട്. ഇനി മുന്നോട്ടുള്ള പോക്ക് എങ്ങനെയാണെന്ന് അറിയില്ല. എന്തായാലും മോശം വരുത്തില്ല’. പ്രമോദ് പറഞ്ഞു.
‘കിംഗ് ഓഫ് കൊത്ത’ വലിയ ബജറ്റ് ചിത്രമാണ്. സീ സ്റ്റുഡിയോസ് ആദ്യമായി മലയാളത്തില് കൈകോര്ക്കുന്ന ചിത്രം കൂടിയാണ് ഇത്. ‘ഹേ സിനാമിക’, ‘സീത രാമം’, ‘ചുപ്പ്’, എന്നീ മറ്റു ഭാഷ ചിത്രങ്ങള്ക്ക് ശേഷം ദുല്ഖര് മലയാളത്തിലേക്ക് മടങ്ങിയെത്തുന്ന ചിത്രമാണ് ‘കിംഗ് ഓഫ് കൊത്ത’.
സംവിധായകന് ജോഷിയുടെ മകന് അഭിലാഷ് ജോഷി സംവിധാനം ചെയുന്ന ചിത്രം രണ്ട് കാലഘട്ടങ്ങളുടെ കഥ പറയുന്ന പീരിയഡ് ഡ്രാമ ആയിട്ടാണ് ഒരുങ്ങുന്നത്. അഭിലാഷ് എന് ചന്ദ്രന് ആണ് ചിത്രത്തിന്റെ തിരക്കഥ രചിക്കുന്നത്. ഐശ്വര്യ ലക്ഷ്മി, ശാന്തി കൃഷ്ണ, ഗോകുല് സുരേഷ്, ധ്രുവ് വിക്രം, ചെമ്പന് വിനോദ് ജോസ്, നൈല ഉഷ, സുധി കോപ്പ എന്നിവരാണ് ചിത്രത്തിലെ മറ്റ് പ്രധാന കഥാപാത്രങ്ങളെ അവതരിപ്പിക്കുന്നത്.