കാന്‍ ഫിലിം ഫെസ്റ്റിവലില്‍ വെച്ചുണ്ടായ ദുരനുഭവം പങ്കുവെച്ച് നടി പൂജ ഹെഗ്‌ഡേ. താന്‍ റെഡ്കാര്‍പ്പെറ്റില്‍ ധരിക്കാന്‍ കൊണ്ടുപോയ വസ്ത്രങ്ങളും മേക്കപ്പുമെല്ലാം കാണാതെ പോയെന്നും ഇന്ത്യയെ പ്രതിനിധീകരിച്ച് പൂജ ഹെഗ്‌ഡേ , തമന്ന ഭാട്ടിയ, ദീപിക പദുക്കോണ്‍, ഐശ്യര്യ റായ്, ഹിന ഖാന്‍, എആര്‍ റഹ്‌മാന്‍, ആര്‍ മാധവന്‍ തുടങ്ങിയ പങ്കെടുത്തിരുന്നു.
താന്‍ റെഡ് കാര്‍പ്പറ്റില്‍ ധരിക്കാന്‍ കരുതിയിരുന്ന വസ്ത്രങ്ങളും മേക്കപ്പുകളും അടങ്ങിയ ലഗേജ് നഷ്ടപ്പെട്ടതിനെക്കുറിച്ചാണ് ഫിലിം കംപാനിയന് നല്‍കിയ അഭിമുഖത്തില്‍ പൂജ ഹെഡ്‌ജെ വെളിപ്പെടുത്തിയത്.
കാന്‍ ഫിലിം ഫെസ്റ്റിവലില്‍ വെച്ച് ഞങ്ങളുടെ ഹെയര്‍ പ്രൊഡക്റ്റുകളും മേക്കപ്പും ഔട്ട് ഫിറ്റുകളും നഷ്ടപ്പെട്ടു. എന്നാല്‍ ഞാന്‍ ഇന്ത്യയില്‍ നിന്നും വരുമ്പോള്‍ കുറച്ച് ആഭരണങ്ങള്‍ കൈയില്‍ കരുതിയിരുന്നു.ഒടുവില്‍ ഉള്ള വസ്ത്രങ്ങള്‍ വെച്ച് റെഡ് കാര്‍പറ്റിലിറങ്ങാം എന്ന് ഞങ്ങള്‍ തീരുമാനിച്ചു.
ഞങ്ങള്‍ ഭക്ഷണം പോലും കഴിച്ചില്ല. റെഡ് കാര്‍പറ്റില്‍ വാക്ക് ചെയ്ത ദിവസം രാത്രിയാണ് എനിക്ക് ആദ്യ ഭക്ഷണം കഴിക്കാനായത്. ഇതിനിടയില്‍ തന്റെ ഹെയര്‍ സ്‌റ്റൈലിസ്റ്റിന് ഭക്ഷ്യ വിഷബാധ വരെയുണ്ടായി’- പൂജ ഹെഗ്‌ഡേ പറഞ്ഞു.