പഞ്ചാബി ഹൗസ് എന്ന ചിത്രം ഇന്നും പ്രേക്ഷകര് ഇഷ്ടത്തോടെ ഓര്ത്തിരിയ്ക്കാന് കാരണം നായകന് ദിലീപും സംവിധായകര് റാഫി മെക്കാര്ട്ടിനും മാത്രമല്ല. അത് ഹരിശ്രീ അശോകന് അവതരിപ്പിച്ച രമണന് എന്ന കഥാപാത്രത്തിന്റെയും വിജയമായിരുന്നു. ഇപ്പോഴിതാ ചിലപ്പോള് പഞ്ചാബി ഹൗസിന്റെ രണ്ടാം ഭാഗത്തിലൂടെ രമണന് എന്ന കഥാപാത്രം തിരിച്ചു വന്നേക്കാമെന്ന് പറഞ്ഞിരിക്കുകയാണ് ഹരിശ്രീ അശോകന്.
മഴവില് എന്റെര്റ്റൈന്മെന്റ്സ് അവാര്ഡ്സ് 2023ന്റെ റിഹേഴ്സല് ക്യാംപില് വിശേഷങ്ങള് പങ്കുവെച്ച് സംസാരിക്കവേയാണ് താരം ഇക്കാര്യം പറഞ്ഞത്. കോമഡി ചിത്രങ്ങള് അധികം വരുന്നില്ലെന്നും അത്തരം കഥാപാത്രങ്ങള് ചെയ്യാന് കൊതിയാണെന്നും അദ്ദേഹം പറഞ്ഞു.
‘മീശമാധവനിലെ കണിക്കാണിക്കുന്ന സീന് കാരണമാണ് ഏറ്റവും കൂടുതല് രാജ്യങ്ങളില് പോകാന് കഴിഞ്ഞു. വിദേശ രാജ്യങ്ങളിലെ എല്ലാ മലയാളി അസോസിയേഷന്കാരും ക്ഷണിച്ചു, അതൊക്കെ ഇപ്പോഴും ജനങ്ങള്ക്ക് ഇഷ്ടമുള്ള സിനിമയാണ്’ ഹരിശ്രീ അശോകന് പറഞ്ഞു.
1998 ലാണ് റാഫി – മെക്കാര്ട്ടിന് കൂട്ടുകെട്ടില് പഞ്ചാബി ഹൗസ് എന്ന ചിത്രം റിലീസ് ചെയ്തത്. ദിലീപ് കേന്ദ്ര നായികനായി എത്തിയ ചിത്രത്തില് ഹരിശ്രീ അശോകനെ കൂടാതെ ഇന്ദ്രന്സ്, കൊച്ചിന് ഹനീഫ, ലാല്, മോഹിനി, തിലകന്, ജോമോള്, ജനാര്ദ്ദനന്, നീന കുറുപ്പ്, എന്എഫ് വര്ഗ്ഗീസ് തുടങ്ങിയവര് കേന്ദ്ര കഥാപാത്രങ്ങളെ അവതരിപ്പിച്ചു.