വിവാഹത്തിന് മുമ്പ് ലൈംഗീക ബന്ധത്തലേര്പ്പെടാന് മാതാപിതാക്കള് കുട്ടികളെ പ്രചോദിപ്പിക്കേണ്ടതുണ്ടെന്ന് ബോളിവുഡ് നടി കങ്കണ റണാവത്ത്. ഒരു ചാനല് സംഘടിപ്പിച്ച ചര്ച്ചയില് സംസാരിക്കുകയായിരുന്നവര്. ആദ്യ പ്രണയത്തെ കുറിച്ചും പ്രണയ പരാജയത്തെ കുറിച്ചു കങ്കണ ചര്ച്ചയില് മനസു തുറന്നു.
“ഒരോരുത്തരുടെയും ജീവിതത്തിലും പ്രധാനപ്പെട്ട ഒന്നാണ് ലൈംഗീകത. നിങ്ങള്ക്ക് ലൈംഗികത ആവശ്യമുള്ളപ്പോള്, അത് നേടുക. പക്ഷേ അതിന് അടിമയാകരുത്. കുട്ടികള് ലൈംഗിക ബന്ധത്തില് ഏര്പ്പെടുന്നതില് മാതാപിതാക്കള് സന്തുഷ്ടരായിരിക്കണം. കുട്ടികള് ഉത്തരവാദിത്തമുള്ള ലൈംഗിക ബന്ധത്തില് ഏര്പ്പെടണം. ഞാന് ലൈംഗീകമായി സജീവമാണെന്ന് അറിഞ്ഞപ്പോള് എന്റെ മാതാപിതാക്കള് ഞെട്ടിപ്പോയി. ലൈംഗീക ബന്ധത്തില് ഏര്പ്പെടാന് മാതാപിതാക്കള് കുട്ടികളെ പ്രചോദിപ്പിക്കണം.”
“വളരെ ഒബ്സസീവ് ആയ, പ്രണയിക്കുമ്പോള് അയാളെ കുറിച്ച് മാത്രം ചിന്തിക്കുന്ന പ്രണയിനി ആണ് ഞാന്. ഒന്പതാം ക്ലാസില് പഠിക്കുമ്പോള് ക്ലാസെടുത്ത അധ്യാപകനോടാണ് ആദ്യമായി പ്രണയം തോന്നിയത്. ഒട്ടുമിക്ക ആളുകളുടെയും ആദ്യ ക്രഷ് അധ്യാപകരാവാനാണ് സാധ്യത. ചുംബിക്കാന് പോലും ആദ്യം എനിക്ക് അറിയില്ലായിരുന്നു.” കങ്കണ പറഞ്ഞു.