സംവിധായകന് ഒമര് ലുലുവിന്റെ “ഒരു അഡാറ് ലവ്” ചിത്രത്തിന്റെ ഹിന്ദി പതിപ്പ് ദിവസങ്ങള്ക്കുള്ളില് തന്നെ നിരവധി കാഴ്ചക്കാരെയും മികച്ച പ്രതികരണങ്ങളും നേടിയിരുന്നു. എന്നാല് സിനിമയെ വിമര്ശിച്ച് എത്തുന്ന മലയാളികളെ കണ്ടാല് ചിരി വരുമെന്ന് വ്യക്തമാക്കി ഒമര് ലുലു.
ഫെയ്സ്ബുക്കിലൂടെയാണ് ഒമറിന്റെ പ്രതികരണം. “”സത്യം പറഞ്ഞാ ചിരി വരും അഡാറ് ലവ് ഹിന്ദി ഡബ് റിലീസ് ചെയ്ത യൂട്യൂബ് ചാനലില് കിടന്ന് ചില മലയാളികള് കരയുന്നത് കണ്ടാ… നിങ്ങള്ക്ക് ഇഷ്ടപ്പെടാത്ത ഒരു സിനിമ മറ്റൊരാള്ക്ക് ഇഷ്ടപ്പെടാന് പാടില്ല എന്ന് ഉണ്ടോ?”” എന്ന് സംവിധായകന് ചോദിക്കുന്നു.
ഏക് ധന്സു ലവ് സ്റ്റോറി എന്ന പേരിലാണ് ഹിന്ദി റീമേക്ക് എത്തിയത്. നൂറിന് ഷെരീഷ് അവതരിപ്പിച്ച ഗാഥ എന്ന കഥാപാത്രത്തിന് അഭിനന്ദനപ്രവാഹമാണ്. ഏപ്രില് 29ന് റിലീസ് ചെയ്ത സിനിമ 44 മില്യണ് ആള്ക്കാരാണ് കണ്ടിരിക്കുന്നത്.
അതേസമയം, അഡാറ് ലവ്വിന്റെ കന്നഡ, തമിഴ് റീമേക്കുകളും ശ്രദ്ധ നേടിയിരുന്നു. ചിത്രത്തിലെ ആദ്യ ഗാനരംഗത്തിലൂടെ തന്നെ ലോകം മുഴുവന് ശ്രദ്ധ നേടിയ താരമാണ് പ്രിയ വാര്യര്. എന്നാല് താരത്തിന് നേരെ ഹെയ്റ്റ് ക്യാമ്പയ്ന് ആരംഭിക്കുകയും സിനിമക്കെതിരെ ഡിസ്ലൈക്ക് ക്യാമ്പെയ്നും നടന്നിരുന്നു.