നടന് അജിത്ത് കടന്നുപോയ ഘട്ടത്തിലൂടെ താനും കടന്നു പോയിട്ടുണ്ടെന്ന് നിവിന് പോളി. കരിയറില് അജിത്ത് നല്കിയ ഉപദേശങ്ങളെ കുറിച്ചാണ് നിവിന് തുറന്നു പറഞ്ഞിരിക്കുന്നത്. ‘മലയാളി ഫ്രം ഇന്ത്യ’യുടെ പ്രമോഷനിടെ ആയിരുന്നു താരത്തിന്റെ പ്രതികരണം.
പ്രേമം ഇറങ്ങിയ സമയം ആയിരുന്നു. അജിത്ത് സാര് ഡിന്നറിന് ഞങ്ങളെ വിളിച്ചിരുന്നു. അദ്ദേഹത്തിന്റെ വീട്ടില്. നിവിന്റേതായി ഇറങ്ങുന്ന എല്ലാ പടങ്ങളും ഇപ്പോള് ഹിറ്റാണ്. പക്ഷേ ഒരു ഘട്ടം വരും. എല്ലാ ആക്ടേഴ്സും കടന്നുപോകുന്നൊരു ഭാഗമാണത്. അജിത്ത് സാറും ആ ഘട്ടത്തിലൂടെ കടന്നു പോയിട്ടുണ്ടെന്ന് എന്നോട് പറഞ്ഞു.
ആ ഫേസിലൂടെ നമ്മള് കടന്ന് പോകണം. ഒരു ഡിപ്പില് പോയി നമ്മള് തിരിച്ചു വരും. ആ ഡിപ്പില് നമ്മള് മനസിലാക്കും ആരാണ് നമുക്കൊപ്പം ഉള്ളത്, നമ്മുടെ ഫോണ് കോളിന് അപ്പുറത്ത് ആരുണ്ടാകും, ആര് സിനിമ തരും, ആര് നമുക്ക് വേണ്ടി എഴുതും, ആര് നിര്മിക്കും ഇങ്ങനെ ഒരുപാട് കാര്യങ്ങള് മനസിലാക്കും.
ചിലപ്പോള് ഒന്നും ഉണ്ടാകില്ല. പക്ഷേ ഇതില് നിന്നെല്ലാം നമ്മള് തിരിച്ചു കയറും. അപ്പോള് മനസിലാകും റിയല് മുഖങ്ങള് എന്താണെന്ന്, കൂടെ ഉള്ളവര് ആരൊക്കെ ആണെന്ന് എന്ന് അജിത്ത് സാര് പറഞ്ഞു എന്നാണ് നിവിന് പറഞ്ഞിരിക്കുന്നത്.
അതേസമയം, ഡിജോ ജോസ് ആന്റണിയുടെ സംവിധാനത്തില് ഒരുങ്ങിയ മലയാളി ഫ്രം ഇന്ത്യ ഇതുവരെ 10 കോടിക്ക് അടുത്ത് കളക്ഷന് നേടിയിരിക്കുന്നത്. ധ്യാന് ശ്രീനിവാസന്, ദീപക് ജേതി, അനശ്വര രാജന്, ഷൈന് ടോം ചാക്കോ, സലിം കുമാര്, മഞ്ജു പിള്ള, സെന്തില് കൃഷ്ണ, അജു വര്ഗീസ് എന്നിവരാണ് ചിത്രത്തിലെ മറ്റ് കഥാപാത്രങ്ങള്.