വിവാഹശേഷം സിനിമയില്‍ നിന്നും ഇടവേള എടുത്ത നടി നിത്യ ദാസ് വീണ്ടും അഭിനയത്തിലേക്ക് മടങ്ങി വരികയാണ്. സൈക്കോ ഹൊറര്‍ ത്രില്ലര്‍ ചിത്രമായ പള്ളിമണിയില്‍ നായികയായാണ് നിത്യ തിരിച്ചു വരുന്നത്. പ്രണയ വിവാഹമായിരുന്നു നിത്യയുടെത്. പഞ്ചാബിയായ അരവിന്ദ് സിങ് ജംവാളാണ് നിത്യയുടെ ഭര്‍ത്താവ്.
ഭര്‍ത്താവിന്റെ വീട്ടിലെ ഒരു ചടങ്ങില്‍ ഗോമൂത്രം കുടിക്കേണ്ടി വന്ന സാഹചര്യത്തെ കുറിച്ചാണ് നിത്യ ഇപ്പോള്‍ പറയുന്നത്. വിവാഹം കഴിഞ്ഞ് നേരെ പോയത് കശ്മിരീലേക്ക് ആണ്. അവിടെയുള്ള ആചാരങ്ങളും ഭക്ഷണങ്ങളും ഒക്കെയായി പൊരുത്തപ്പെടാന്‍ കുറച്ച് സമയം എടുത്തു.
അനിയന്റെ കല്യാണത്തിന് ഒരു സംഭവം ഉണ്ടായി. ചടങ്ങുകള്‍ക്ക് ഇടയില്‍ തീര്‍ത്ഥം പോലെ കൈയ്യിലെന്തോ തന്നു. തീര്‍ത്ഥമാണെന്ന് കരുതി താന്‍ കുറച്ച് കുടിച്ച് ബാക്കി തലയിലൂടെ ഉഴിഞ്ഞു. അപ്പോള്‍ മകള്‍ പറയുന്നുണ്ടായിരുന്നു, അമ്മേ ഇതിന് എന്തോ ഉപ്പ് രസം ഉണ്ടെന്ന്.
ഹേയ് നിനക്ക് തോന്നിയതായിരിക്കും എന്ന് താന്‍ പറഞ്ഞു. പിന്നീട് ഇവര്‍ പച്ച നിറത്തിലുള്ള ഒരു സാധനം തന്നു. അത് എല്ലാവരും മുഖത്ത് തേക്കുന്നുണ്ട്, തങ്ങളും തേച്ചു. പിന്നീട് ആണ് അറിഞ്ഞത് ആദ്യം തന്നത് ഗോമൂത്രവും പിന്നീട് തന്നത് ചാണകവും ആണെന്ന്. ചാണകത്തിന് മണം ഒന്നും ഉണ്ടായിരുന്നില്ല.
എന്തെങ്കിലും ചേര്‍ത്ത് കാണും. അതിന് ശേഷം ഇത്തരം ചടങ്ങുകളില്‍ നിന്നെല്ലാം താന്‍ മാറി നില്‍ക്കും എന്നാണ് നിത്യ ഒരു ടെലിവിഷന്‍ ഷോയ്ക്കിടെ പറയുന്നത്. ഭര്‍ത്താവിന് മലയാളം പഠിപ്പിച്ചു കൊടുത്തത് അബദ്ധമായെന്നും താരം പറയുന്നുണ്ട്. ഇപ്പോള്‍ പറയുന്നത് എല്ലാം മനസിലാകും എന്നാണ് താരം പറയുന്നത്.