ഹരീഷ് കണാരന് ആദ്യമായി നായകവേഷത്തില് എത്തുന്നു എന്ന വാര്ത്ത സമൂഹ മാധ്യമങ്ങളില് ഏറെ ചര്ച്ച ചെയ്യപ്പെട്ടിരുന്നു. ഇപ്പോഴിതാ അദ്ദേഹത്തിന് ആശംസകളുമായി എത്തിയിരിക്കുകയാണ് സുഹൃത്തും നടനുമായ നിര്മല് പാലാഴി.ഏറെ ബുദ്ധിമുട്ടുകള് സഹിച്ചാണ് ഹരീഷ് അഭിനയരംഗത്തേക്ക് എത്തുന്നത്.ഒരു തിരക്കുളള നടാനാവുകയും ഇപ്പോള് നായകന് ആവുകയും ചെയ്തു. അദ്ദേഹത്തിന് ആശംസകള് എന്നാണ് നിര്മല് ഫേസ്ബുക്കിലൂടെ പറയുന്നത്.
നിര്മല് പാലാഴിയുടെ വാക്കുകള്:
100നും 150നും പ്രോഗ്രാം ചെയ്ത് ഒരുപാട് അലഞ്ഞു നടന്നിട്ടുണ്ട് ബസ്സിന്റെ സമയം കഴിഞ്ഞു ലോറികളില് കയറി വരാറുണ്ട് ഇല്ലെങ്കില് രാവിലെ വരെ ബസ്റ്റോപ്പിലും പീടിക കൊലായിലും കിടന്നിട്ടുണ്ട്.ഇങ്ങനൊക്കെ ആണെങ്കിലും രാത്രിയാവുമ്പോ വീട്ടിലെതണം നല്ല മത്തി മുളകിട്ടതും കൂട്ടി ചോറു തിന്നണം ഇതായിരുന്നു മൂപ്പരുടെ മൂഡ്. അതുകൊണ്ട് തന്നെ കഷ്ടപ്പെട്ട് ഏതെങ്കിലും ലോങ് പ്രോഗ്രാം പിടിച്ചാല്. ഇയ്യി മുണ്ടാണ്ട് ഇരിക്കേടോ.
ഇനി അവടെ വരെ പോയി എപ്പോ വീട്ടില് എത്താനാ അങ്ങനെ പറഞ്ഞു പ്രോഗ്രാം ഒഴിവാക്കുമായിരുന്നു. ഇങ്ങനത്തെ മടിയന് ദൈവം കൊടുത്ത ഒരു പണിനോക്കണം നിന്ന് തിരിയാന് സമയം ഇല്ലാതെ ഒന്ന് വീട്ടില് ഇരിക്കാന് സമയം കൊടുക്കാതെ മലയാളത്തിലെ തിരക്കുള്ള ഒരു നടനാക്കി. ഇപ്പോള് ആദ്യമായി ഒരു സിനിമയെ നയിക്കുന്ന നായകന് ആവുന്ന ഒരു പുതിയ തുടക്കം. പ്രിയ സ്നേഹിതന് എല്ലാവിധ വിജയാശംസകളും നേരുന്നു.