താനും നടന് ആദിയുമായുള്ള വിവാഹ നിശ്ചയം കഴിഞ്ഞെന്ന് അറിയിച്ച് തെന്നിന്ത്യന് നടി നിക്കി ഗല്റാണി. നീണ്ട നാളത്തെ പ്രണയത്തിനു ശേഷം ഇരുവരും ഒരുമിച്ചു പൂര്ത്തിയ ജീവിതത്തിലേക്ക് കിടക്കുകയാണെന്നും എല്ലാവരുടെയും അനുഗ്രഹവും പ്രാര്ത്ഥനയും ഉണ്ടാകണമെന്നും നിക്കി സോഷ്യല്മീഡിയയില് കുറിച്ചു. അടുത്ത ബന്ധുക്കളെ മാത്രം പങ്കെടുപ്പിച്ചുകൊണ്ട് വളരെ രഹസ്യമായാണ് വിവാഹ നിശ്ചയം നടത്തിയതെന്നും റിപ്പോര്ട്ടുണ്ട്.
കുറച്ച് വര്ഷങ്ങള്ക്ക് മുമ്പ് ഞങ്ങള് പരസ്പരം കണ്ടെത്തി, അത് ഇപ്പോള് ഔദ്യോഗികമാകുകയാണ്. ഈ ദിവസം ഞങ്ങള്ക്ക് ശരിക്കും പ്രധാനപ്പെട്ടതായിരിക്കും. ഞങ്ങളുടെ രണ്ട് കുടുംബങ്ങളുടെയും സാന്നിധ്യത്തില് ഞങ്ങള് വിവാഹനിശ്ചയം നടത്തി. ഞങ്ങള് ഒരുമിച്ച് ഈ പുതിയ യാത്ര ആരംഭിക്കുമ്പോള് നിങ്ങളുടെ എല്ലാ സ്നേഹവും അനുഗ്രഹവും തേടുന്നു. നിക്കി കുറിച്ചു.
രണ്ട് വര്ഷത്തിലേറെയായി പ്രണയത്തിലാണ് ആദിയും നിക്കി ഗല്റാണിയും. സ്വകാര്യമായി നടന്ന ആദിയുടെ ജന്മദിന ആഘോഷത്തില് നിക്കി ഗല്റാണി പങ്കെടുത്ത ഫോട്ടോ പുറത്ത് വന്നതോടെയാണ് ആ പ്രണയ ഗോസിപ്പുകള് പുറത്തുവരുന്നത്. മാര്ച്ച് 24 ന് ആണ് വിവാഹ നിശ്ചയം നടന്നത്. എന്നാല് വിവാഹത്തിന്റെ തിയ്യതി തീരുമാനിച്ചിട്ടില്ല.
വിവാഹവും വളരെ സ്വകാര്യമായി തന്നെ നടത്താനാണ് തീരുമാനം. മാധ്യമങ്ങള്ക്ക് പ്രവേശനം ഉണ്ടായിരിക്കില്ല എന്നും റിപ്പോര്ട്ടുകളുണ്ട്. തെലുങ്ക് സിനിമ സംവിധായകന് രവി രാജ പെനിസെട്ടിയുടെ മകന് ആദി ഒക്ക വി ചിത്തിരം എന്ന തെലുങ്ക് സിനിമയിലൂടെയാണ് അഭിനയത്തിലേക്കെത്തുന്നത്. ‘