ഇന്ത്യയിലെ ചില ഫോട്ടോഗ്രാഫര്‍മാര്‍ തന്നെ അഭിസംബോധന ചെയ്യുന്നത് ജിജു(സഹോദരിയുടെ ഭര്‍ത്താവ്) എന്നാണെന്ന് നടി പ്രിയങ്ക ചോപ്രയുടെ ഭര്‍ത്താവും ഗായകനുമായ നിക്ക് ജൊനാസ്. അടുത്തിടെ ബി.ബി.സിക്ക് നല്‍കിയ അഭിമുഖത്തില്‍ അവതാരക ജിജു എന്ന് നിക്കിനെ വിളിച്ചിരുന്നു.
ഈ സാഹചര്യത്തിലാണ് താരം ഇക്കാര്യം വെളിപ്പെടുത്തിയത്. ജിജു എന്നുമാത്രമല്ല പല പേരുകളിലും തന്നെ വിളിക്കാറുണ്ടെന്നും കൂട്ടിച്ചേര്‍ത്തു. നിത അംബാനി കള്‍ച്ചറല്‍ സെന്ററിന്റെ ഗ്രാന്‍ഡ് ലോഞ്ച് ഇവന്റില്‍ പ്രിയങ്കക്കൊപ്പം ഇന്ത്യയിലെത്തിയിരുന്നു.അന്ന് എന്നെ ‘ജിജു’ എന്നായിരുന്നു അവിടെയുണ്ടായിരുന്ന ഫോട്ടോഗ്രാഫര്‍മാരില്‍ ചിലര്‍ വിളിച്ചത് നിക്ക് പറഞ്ഞു.
അവിടെ ഉണ്ടായിരുന്ന മറ്റൊരു ഫോട്ടോഗ്രാഫര്‍ ‘ നിക്കുവാ…’ എന്നും വിളിച്ചുവെന്നും താരം പറഞ്ഞു. ഇന്ത്യയെ താന്‍ ഏറെ സ്‌നേഹിക്കുന്നുണ്ടെന്ന് പറഞ്ഞ നിക്ക് ഇത്തരത്തില്‍ സംബോധന ചെയ്യുന്നതില്‍ സന്തോഷം മാത്രമേയുള്ളൂവെന്നും കൂട്ടിച്ചേര്‍ത്തു.
ഇന്ത്യന്‍ ഭക്ഷണത്തോടുള്ള ഇഷ്ടത്തെക്കുറിച്ചും നിക്ക് അഭിമുഖത്തില്‍ വെളിപ്പെടുത്തി. ലാബ് ജാമും സ്പ്രിംഗ് റോളും ജിലേബിയും സമൂസയും ഇഷ്ടമാണ്. എന്നാല്‍ അച്ചാറുകള്‍ വളരെ എരിവുള്ളതിനാല്‍ കഴിക്കാന്‍ കഴിയില്ലെന്ന് നിക് ജൊനാസ് പറഞ്ഞു.
