മിനിസ്‌ക്രീനിലൂടെ സിനിമയിലെത്തി മലയാളികളുടെ മനസ്സിൽ ഇടം പിടിച്ച നടിയാണ് സുരഭി ലക്ഷ്മി. റിയാലിറ്റി ഷോയിലൂടെ ശ്രദ്ധിക്കപ്പെട്ട താരം എം80 മൂസ എന്ന ഹിറ്റ് പരമ്പരയിലൂടെയാണ് ഏറെ പരിചിതയായത്. സോഷ്യൽ മീഡിയയിൽ സജീവമായ സുരഭിയുടെ ഏറ്റവും പുതിയ ചിത്രങ്ങളാണ് ഇപ്പോൾ ചർച്ചയാകുന്നത്.
ഗ്ലാമറസ് ലുക്കിൽ ബാത്ത് ടൗവൽ മോഡലിലുള്ള മിനി ഡ്രസ്സാണ് താരം ധരിച്ചിരിക്കുന്നത്. സുരഭിയുടെ വേറിട്ട ലുക്കിലുള്ള ചിത്രങ്ങൾക്ക് നിരവധി പേരാണ് കയ്യടിക്കുന്നത്. പുതിയ ഫോട്ടോഷൂട്ടുകളുമായി ഇനിയും വരണമെന്നും നന്നായിട്ടുണ്ട് എന്നുമൊക്കെയുള്ള അഭിപ്രായങ്ങളാണ് പലരും കമന്റുകളായി രേഖപ്പെടുത്തിയിരിക്കുന്നത്.
എന്നാൽ ഒരു ഭാഗത്ത് ചിത്രങ്ങൾക്കെതിരെ വിമർശനങ്ങളാണ് ഉയരുന്നത്. നല്ല ഹോട്ട് ആയിട്ടുള്ള ഫോട്ടോസ് ഒക്കെ പോസ്റ്റ് ചെയ്യൂ..സിനിമയിൽ ചാൻസ് കിട്ടിയില്ലെങ്കിലും നാല് കട ഉദ്‌ഘാടനം ചെയ്യാൻ എങ്കിലും കിട്ടും എന്നൊക്കെയുള്ള കമന്റുകളും ഇൻസ്റ്റാഗ്രാം പോസ്റ്റിനു താഴെയുണ്ട്.
സത്യം പറയാല്ലോ തീരെ കൊള്ളൂല, അവസരം കുറയുന്നുണ്ടോ? തുണിയുടെ ഇറക്കം കുറഞ്ഞു വരുന്നു, ഇപ്പം ഇതൊന്നുമില്ലാതെ പിടിച്ച് നിൽക്കാൻ പറ്റില്ലാന്ന് സുരഭിയും മനസ്സിലാക്കി എന്നൊക്കെയാണ് ഫെയ്‌സ്ബുക്കിൽ ചിലർ കമന്റ് രേഖപ്പെടുത്തിയിരിക്കുന്നത്.