അല്ലു അര്ജുന് ചിത്രം പുഷ്പയെ പ്രശംസിച്ച് വിജയ് ചിത്രം ബീസ്റ്റിന്റെ സംവിധായകന് നെല്സണ് ദിലീപ്കുമാര്. അല്ലു അര്ജുന് ചിത്രത്തില് ചിത്രത്തില് അസാമാന്യ പ്രകടനമാണ് കാഴ്ച്ചവെച്ചതെന്നും പുഷ്പ ബോക്സോഫീസ് തകര്ത്തതില് അതിശയിക്കാനില്ല എന്നും അദ്ദേഹം ട്വീറ്റ് ചെയ്തു.
തൊട്ടുപിന്നാലെ തന്നെ നെല്സണ് ദിലീപ്കുമാറിന് അല്ലു അര്ജുന്റെ മറുപടിയും എത്തി. ‘നന്ദി നെല്സണ്, ഞങ്ങളുടെ പ്രകടനം നിങ്ങള്ക്ക് ഇഷ്ടമായി എന്ന് കേള്ക്കുന്നതില് സന്തോഷം. ഡോക്ടര് എന്ന സിനിമയ്ക്ക് അഭിനന്ദനം. ഈ അടുത്ത് കണ്ട ഏറ്റവും മികച്ച സിനിമയാണ് ഡോക്ടര്’, അല്ലു അര്ജുന് മറുപടി ട്വീറ്റില് കുറിച്ചു.
അല്ലു അര്ജുന് നായകനായ ചിത്രം പുഷ്പ കഴിഞ്ഞ ഡിസംബറില് ആയിരുന്നു റിലീസ് ചെയ്തത്. തിയേറ്ററില് മികച്ച പ്രതികരണം നേടിയ ചിത്രം ഈ മാസം ആമസോണ് പ്രൈമിലൂടെ ഡിജിറ്റല് സ്ട്രീമിങ്ങും ആരംഭിച്ചു.രണ്ട് ഭാഗങ്ങാളായെത്തുന്ന ചിത്രത്തിന്റെ ആദ്യഭാഗത്തിന്റെ പേര് പുഷ്പ ദ റൈസ് എന്നാണ്.
രക്തചന്ദന കടത്തുകാരനായ പുഷ്പരാജ് എന്ന കഥാപാത്രത്തെയാണ് അല്ലു അര്ജുന് അവതരിപ്പിച്ചിരിക്കുന്നത്. ഇതുവരെ കാണാത്ത ലുക്കിലും മാനറിസത്തിലുമാണ് അല്ലു അര്ജുന് പുഷ്പയില് എത്തിയത്.