14 റീല്സ് പ്ലസ് ബാനറില് ഒരു സിനിമ ചെയ്യാനിരുന്നതാണ് പരശുറാമും നാഗചൈതന്യയും വമ്പന് പ്രതീക്ഷകളോടെയാണ് ഈ ചിത്രം പ്രഖ്യാപിക്കപ്പെട്ടത്. എന്നാല്, പിന്നീട് സര്ക്കാര് വാരി പാട എന്ന ചിത്രം സംവിധാനം ചെയ്യാന് പരശുറാമിന് അവസരം ലഭിച്ചതോടെ അതെല്ലാം തകിടം മറിയുകയായിരുന്നു.
സര്ക്കാര് വാരി പാടയ്ക്ക് ശേഷം, പരശുറാം മറ്റ് വലിയ അവസരങ്ങള് തേടി, നാഗ ചൈതന്യയ്ക്ക് പകരം ബാലകൃഷ്ണയെ വച്ച് സിനിമ ചെയ്യാന് പരശുറാം ശ്രമിച്ചു. ഇതൊക്കെ നാഗചൈതന്യയെ പ്രകോപിപ്പിച്ചിരിക്കുകയാണ്.
ഇപ്പോഴിതാ കസ്റ്റഡി എന്ന തന്റെ പുതിയ സിനിമയുടെ പ്രൊമോഷനുമായി ബന്ധപ്പെട്ട അഭിമുഖത്തിനിടെ, പരശുറാം തന്റെ സമയം പാഴാക്കിയെന്നും ഇത് തന്റെ സമയം പാഴാക്കുന്നതിനാല് വിഷയം ചര്ച്ച ചെയ്യാന് പോലും ആഗ്രഹിക്കുന്നില്ലെന്നും തുറന്നടിച്ചു പറഞ്ഞു കൊണ്ട് തന്റെ അനിഷ്ടം പൊതുവേദിയില് തന്നെ നാഗചൈതന്യ പ്രകടമാക്കുകയും ചെയ്തിരിക്കുകയാണ്
മെയ് 12 ന് റിലീസ് ചെയ്യാനിരിക്കുന്ന കസ്റ്റഡി എന്ന തന്റെ വരാനിരിക്കുന്ന പ്രോജക്റ്റിന്റെ തിരക്കിലാണ് നാഗ ചൈതന്യ. വെങ്കട്ട് പ്രഭു സംവിധാനം ചെയ്ത ഈ ദ്വിഭാഷാ ചിത്രത്തിന്റെ അടുത്തിടെ പുറത്തിറങ്ങിയ ട്രെയിലറിന് മികച്ച സ്വീകാര്യത ലഭിച്ചിരുന്നു.
അരവിന്ദ് സ്വാമി, കീര്ത്തി ഷെട്ടി, സമപ്തത് രാജ്, ശരത്കുമാര്, പ്രിയാമണി, പ്രേംജി, വെണ്ണേല കിഷോര്, പ്രേമി വിശ്വനാഥ് എന്നിവരും കസ്റ്റഡിയില് പ്രധാന കഥാപാത്രങ്ങളെ അവതരിപ്പിക്കുന്നു. ഇളയരാജയും യുവന് ശങ്കര് രാജയുമാണ് സംഗീതം ഒരുക്കിയത്.