മമ്മൂട്ടിയെയും മോഹന്‍ലാലിനെയും വച്ച് സിനിമ എടുക്കാന്‍ ആഗ്രഹമുണ്ടെന്ന് നാദിര്‍ഷ. മമ്മൂട്ടിയോട് മൂന്നാല് വര്‍ഷം മുമ്പ് ഒരു കഥ പറയുകയും അത് അദ്ദേഹത്തിന് ഇഷ്ടപ്പെടുകയും ചെയ്തു. എന്നാല്‍ ഇപ്പോള്‍ സിനിമയും മാറി പ്രേക്ഷകരുടെ ആറ്റിറ്റിയൂഡും മാറി എന്നാണ് നാദിര്‍ഷ പറയുന്നത്.
മമ്മൂട്ടിയെയും മോഹന്‍ലാലിനെയും വച്ച് പടം ചെയ്യാന്‍ ഏത് സംവിധായകനാണ് ആഗ്രഹമില്ലാത്തത്. മമ്മൂക്കയ്ക്ക് വേണ്ടി കഥ തയ്യാറാക്കിയിരുന്നു. അതുമായിട്ട് മമ്മൂക്കയുടെ അടുത്ത് പോയിട്ടുണ്ട്. മമ്മൂക്കയ്ക്ക് ഇഷ്ടപ്പെടുകയും ചെയ്യാമെന്ന് പറഞ്ഞിട്ടുണ്ടായിരുന്നു. അത് നാല് വര്‍ഷം മുമ്പാണ്.
പക്ഷെ ഇപ്പോള്‍ സിനിമ മാറിക്കൊണ്ടിരിക്കുകയല്ലേ. മൂന്നാല് വര്‍ഷം മുമ്പ് മമ്മൂക്കയോട് പറഞ്ഞ ആ കഥ മതിയായിരുന്നു. പക്ഷെ ഇപ്പോള്‍ സിനിമ മാറി. പ്രേക്ഷകരുടെ ആറ്റിറ്റിയൂഡ് മാറി. മേക്കിംഗ് മാറി. അപ്പോഴും ആ നാല് വര്‍ഷം മുമ്പത്തെ കഥയുമായിട്ട് ചെന്നാല്‍ മമ്മൂക്കയ്ക്ക് ബുദ്ധി ഉള്ളത് കൊണ്ട് മമ്മൂക്ക പറ്റില്ലെന്ന് പറയും.
പിന്നെയും വാശി പിടിച്ച് ചെയ്താല്‍ ആ നാല് വര്‍ഷത്തെ പഴക്കം അതിനകത്ത് ഉണ്ടാവും. അത് മനസിലാക്കാനുള്ള ബുദ്ധി വേണം. മമ്മൂക്കയുടെ അടുത്തോ ലാലേട്ടന്റെ അടുത്തോ പോയി ധൈര്യമായിട്ട് പറയാം, അവര്‍ സമ്മതിക്കും എന്ന് നമുക്ക് തന്നെ തോന്നണം എന്നാണ് നാദിര്‍ഷ ഒരു അഭിമുഖത്തില്‍ പറയുന്നത്.