വനിതാ ഫിലിം അവനാര്‍ഡ്‌സ് വേദിയിലാണ് ഷാരൂഖിന്റെ ‘ജവാന്‍’ ചിത്രത്തിലെ ‘സിന്ദ ബന്ദ’ എന്ന ഗാനത്തിന് മോഹന്‍ലാല്‍ നൃത്തം ചെയ്തത്. ശേഷം തന്റെ ചിത്രത്തിലെ ഗാനത്തിന് ചുവടുവച്ച മോഹന്‍ലാലിന് നന്ദി പറഞ്ഞു കൊണ്ട് ഷാരൂഖ് ഖാന്‍ രംഗത്തെത്തിയിരുന്നു.താരത്തിന്റെ വീഡിയോ പങ്കുവച്ചാണ് ഷാരൂഖ് ഖാന്‍ നന്ദി അറിയിച്ചത്.
തുടർന്ന്, തന്റെ വീട്ടില്‍ ഡിന്നര്‍ കഴിക്കാന്‍ വരണമെന്നും എക്‌സില്‍ പങ്കുവച്ച പോസ്റ്റില്‍ ഷാരൂഖ് ഖാന്‍ പറഞ്ഞിരുന്നു. ഇതിനോട് വളരെ രസകരമായി മോഹൻലാൽ പ്രതികരിച്ചിരിന്നു. ”പ്രിയ ഷാരുഖ്, താങ്കളെപ്പോലെ മറ്റാര്‍ക്കും ചെയ്യാന്‍ കഴിയില്ല. അനുകരണം പോലും അസാധ്യമാകും വിധം നിങ്ങളെപ്പോഴും സ്വന്തം ശൈലിയില്‍ ശരിക്കും ജീവിക്കുന്ന വ്യക്തിയാണ്.” എന്നായിരുന്നു മോഹൻലാൽ പറഞ്ഞത്.
തുടർന്ന് ഒരുമിച്ചുള്ള ഡിന്നറിന് വേണ്ടി കാത്തിരിക്കുന്നുവെന്നും എപ്പോൾ എവിടെവെച്ചായിരിക്കും അതെന്നും ഷാരൂഖ് ചോദിച്ചിരുന്നു. ഇപ്പോഴിതാ അതിന് മറുപടിയെന്നോണം ഷാരൂഖിനെ വീട്ടിലേക്ക് ക്ഷണിച്ചിരിക്കുകയാണ് മോഹൻലാൽ. എന്തായാലും എസ്ആർകെയും ലാലേട്ടനും ഒരുമിച്ചുള്ള നിമിഷങ്ങൾക്ക് വേണ്ടി കാത്തിരിക്കുകയാണ് ആരാധകർ.
‘എന്റെ വീട്ടിൽ ആതിഥ്യം അരുളാൻ സന്തോഷം’ എന്നാണ് മോഹൻലാൽ എക്സിൽ കുറിച്ചത്. അതേസമയം പൃഥ്വിരാജ് സംവിധാനം ചെയ്യുന്ന ലൂസിഫർ രണ്ടാം ഭാഗം ‘എമ്പുരാൻ’, കൂടാതെ ഇതുവരെ പേരിടാത്ത ‘L 360’ എന്ന ടാഗ് ലൈനിൽ ഒരുങ്ങുന്ന തരുൺ മൂർത്തി ചിത്രം, മോഹൻലാൽ സംവിധായകനാവുന്ന ‘ബറോസ്’ എന്നിവയാണ് മോഹൻലാലിന്റെ ഏറ്റവും പുതിയ പ്രൊജക്ടുകൾ.
