ബറോസ് ഈ വര്ഷം തന്നെ സെന്സര് ചെയ്ത് അടുത്ത വര്ഷം റിലീസ് ചെയ്യാനാണ് ഒരുങ്ങുന്നതെന്ന് മോഹന്ലാല്. മോഹന്ലാലിന്റെ ആദ്യ സംവിധാന സംരഭം എന്ന നിലയില് പ്രഖ്യാപന സമയം മുതല് തന്നെ ശ്രദ്ധ നേടിയ സിനിമയാണ് ബറോസ്. ജൂലൈ അവസാനം പാക്കപ്പ് ആയ ചിത്രത്തിന്റെ പോസ്റ്റ് പ്രൊഡക്ഷന് വര്ക്കുകള് പുരോഗമിക്കുകയാണ്.
ബറോസ് ഈ വര്ഷം സെന്സര് ചെയ്യാനാണ് ഞങ്ങളുടെ ശ്രമം. പോസ്റ്റ് പ്രൊഡക്ഷന് വര്ക്കുകളില് പലതും വിദേശത്താണ് നടക്കുന്നത്. ഒരുപാട് വര്ക്ക് തായ്ലന്ഡില് നടക്കുന്നുണ്ട്. ഇന്ത്യയിലും നടക്കുന്നുണ്ട്. മ്യൂസിക് മിക്സ് ചെയ്യേണ്ടത് ലോസ് ഏഞ്ചല്സിലാണ്. സംഗീതത്തിന് വലിയ പ്രാധാന്യമാണ് സിനിമയില്. ഈ വര്ഷം സെന്സര് ചെയ്യാന് പറ്റിയാല് അടുത്ത വര്ഷം മാര്ച്ചിനുള്ളില് സിനിമ കൊണ്ടുവരും എന്നാണ് മോഹന്ലാല് പറയുന്നത്.
ഞാനും രാജീവും കൂടി ഒരു 3 ഡി ഷോ ചെയ്യുന്ന കാര്യം ആലോചിച്ചിരുന്നു. അത് സിനിമയെക്കാളും വലിയ അധ്വാനം വേണ്ടിയിരുന്ന ഒന്നായിരുന്നു. 3 ഡി കണ്ണട വച്ച് ആസ്വദിക്കാവുന്ന നാടകം എന്നതായിരുന്നു ആശയം. അത് ചെയ്യാന് പറ്റുന്ന കാര്യം ആയിരുന്നു. പക്ഷേ ചെലവ് വളരെ അധികമായിരുന്നു. പിന്നെ നാടകം അവതരിപ്പിക്കുന്ന സ്ഥലത്തേക്ക് ഒക്കെ ഒരുപാട് ഉപകരണങ്ങള് കൊണ്ടു പോവേണ്ടിയിരുന്നു.
ആ സമയത്താണ് ജിജോ ഇങ്ങനെയൊരു നോവലിനെ കുറിച്ചും അതിന്റെ സിനിമാ സാധ്യതയെ കുറിച്ചുമൊക്കെ സംസാരിക്കുന്നത്. ജിജോ തന്നെ സംവിധാനം ചെയ്യണമെന്നായിരുന്നു ഞങ്ങള്ക്ക്. പക്ഷേ അദ്ദേഹത്തിന് അത് താല്പര്യമില്ലായിരുന്നു. കഥയില് എന്ത് മാറ്റവും വരുത്താനുള്ള സമ്മതം അദ്ദേഹം തന്നിരുന്നു. അസോസിയേറ്റ് ഡയറക്ടര് ആയി രാജീവ് കുമാര് എന്നെ സഹായിക്കാന് വന്നു എന്നാണ് മോഹന്ലാല് ആശിര്വാദ് സിനിമാസിന്റെ യുട്യൂബ് ചാനലിലൂടെ പറയുന്നത്.